^*bros/o ^UV

[bros.0o.HEJM]
en:

Ilo farita el haregoj aŭ vergetoj kaj tenilo, por forigi per froto malpuraĵon, kombi, masaĝi: mi prenis broson kaj purigis la veston [1]; la pordisto kuras post mi sur la ŝtuparo kun broso: permesu […] mi al vi purigos la botojn [2]; mia hararo estis lavita per rotacianta broso [3]; ĉiu balaas, ĉiu broslavas, ĉiu uzas brosojn por cent aferoj [4]; mia pantalono estas kovrita per polvo, ĉu vi havas broson [5]? Margarita turnis suben la broson de la balailo, tiel ke ĝia tenilo leviĝis malantaŭ ŝia dorso [6]; li frotis sin en malvarma akvo, frotis sin per malmola broso [7].

(tr)

[bros.0i.HEJM]
en:

Froti per broso: brosi tapiŝon, barbon, dentojn; li brosis al si la botojn kaj la surtuton, kombis al si la belajn blondajn harojn [8]; [li] brosis tiujn longajn harojn trans la verton [9]; ŝi ligis al li la kravaton, […] brosis al li la ĉapelon per la manplato [10]; [la] placo[n…] zume kaj senhaste brosis specialaj maŝinoj [11]; [ili] regule brosu siajn dentojn post abunda manĝado [12]. balai, purigi, senpolvigi, skrapi

[bros.har0o.KOS]
en:

Broso por malimpliki la hararon: suspirinte, ŝi brosis siajn longajn harojn per harbroso, dum ŝi nevole rememoris, kion Tingting diris [13]. kombilo

[bros.dent0o.KOS]
en:

Broso por la dentoj: Estus peke alkonsili, ⫽ Ke ŝi uzu dentobroson [14]; nur la sapon kaj dentbroson ili forportas pro higienaj kaŭzoj [15]; elektra dentobroso [16]; ŝi nur prenu sian dentobroson kaj piĵamon, kaj ek [17]!

Broso kun metalaj haregoj uzata por prilaboro de metalaj surfacoj: dratbroso estas broso ne por dratoj, sed el dratoj [18].

Broso uzata por lavi ion (haŭton, manĝilaron k.a.): sapon oni ne provizas […] ankaŭ ne lavbrosojn [19].

Broso kun longa tenilo por viŝi plankon: ni ja havis nek viŝbroson nek balailon [20].