brigad/o

brigado

serĉi 'brigado'

[brigad.0o]

1.: [brigad.0o.MIL]; Parto de armeo enhavanta ĝenerale du infanteriajn regimentojn: li komandis unue brigadon, poste divizion, vivis konstante en la provinco, kie li ludis sufiĉe gravan rolon dank’ al sia rango ^PatrojFiloj;
2.: [brigad.0o.FIG]; (figure) Organizita propracela aro: ducent personojn por la komenco ni en la brigadojn avancigas, ĝis la lasta ŝraŭbo la truston ni purigos, ĉiujn mankojn forigos ^Metrop; tradicia instruado de Esperanto al junularaj laborbrigadoj ^EeP; ili laboris sur la sovetia flanko kun ia scienca brigado, kaj decidis fuĝi al Norvegio ^CKv; ni rigardu la akcidenton krima, sed ne plu vi enketos, tiu afero nun koncernas la drogbrigadon ^ChR; nia malliberulbrigado ekmarŝis laŭ la padeto, piedpremita en la profunda neĝo, kiu sekvis la kreston de la montĉeno [1].

skipo, taĉmento, trupo

1. Lena Karpunina: Tiu tago, Monato, 2004/10, p. 23

serĉi 'fajrobrigado'

[brigad.fajro0o]

: Grupo de savistoj trejnitaj por tuje helpi okaze de brulego, inundo, aŭ ajna natur- aŭ hom-kaŭzita akcidento: tio koncernas la policon, kial vi telefonas al la fajrobrigado ^KrB? subite ektintis sonorilo kaj […] en la strateton ruliĝis ruĝa fajrobrigada aŭtomobilo kun eskalo ^MkM; la strutino […] senhezite formanĝis[…] la kaskon de la fajrobrigadestro ^LGA; la tujaj komentoj laŭte laŭdis la lertan agadon de la nederlanda fajrobrigado kaj helpantaro [2].

2. Guido van Damme: Pli bone unu birdo en la mano, Monato, 1996/11, p. 19

angle:: fire brigade
beloruse:: пажарная каманда
ĉeĥe:: hasiči, hasičské družstvo, hasičský oddíl, hasičský sbor, požární družstvo, požární sbor, požárníci
france:: pompiers (subst.), sapeurs-pompiers
germane:: Feuerwehr fajro~a aŭtomobilo: Feuerwehrauto.
hispane:: cuerpo de bomberos
hungare:: tűzoltóság
itale:: pompieri, vigili del fuoco
japane:: 消防隊 [しょうぼうたい]
katalune:: dotació de bombers
nederlande:: brandweer fajro~a aŭtomobilo: brandweerwagen.
pole:: straż pożarna, oddział straży pożarnej
portugale:: corpo de bombeiros, brigada de incêndio
ruse:: пожарная команда
slovake:: hasiči, hasičský oddiel
ukraine:: пожежна команда, пожежна дружина

serĉi 'fajrobrigadisto'

[brigad.fajro0isto]

: Profesiulo en fajrobrigado: homoj […] restadis dum horoj en liftoj ĝis la interveno de fajrobrigadistoj [3]; fajrobrigadistoj alvenis tro malfrue por savi la teatron [4]; la fajrobrigadistoj alvenas kiam ĉio forbrulis, ĝustatempe por observi la subcindrajn braĝojn [5].

3. Jozefo Lejĉ: Kuranta kurento-krizo, Monato, 2010/01, p. 12
4. Bardhyl Selimi: Tragedio en teatro, Monato, 2011/11, p. 15
5. Hamza Baksić: La fino de la mondo komenciĝas en Sarajevo, Monato, 1993/10, p. 8

serĉi 'fajrobrigadano'

[brigad.fajro0ano]

: Ano de fajrobrigado, speciale trejnita precipe por estingi brulegojn kaj tuje helpi la viktimojn: la magistrato de la ĉefurbo Prago postulas subvencion […] por kovri la kromajn kostojn de deĵoroj de la urbaj policanoj, fajrobrigadanoj kaj sanitaristoj [6]; la litova servo pri sanprotektado informis, ke miloj da policistoj, limgardistoj, fajrobrigadanoj kaj militistoj de internaj taĉmentoj estas tro grasaj [7]; en la deponejo de fajrobrigada muzeo oni povas rigardi 60 ceremoniajn kaj laborajn uniformojn de fajrobrigadanoj el 25 landoj [8].

6. jpa: Internacia kunsido de financistoj en Prago, Monato, 2000/09, p. 9
7. last: Peza problemo, Monato, 2006/08, p. 15
8. Julius Hauser: Fajrobrigadanaj uniformoj, Monato, 2012/11, p. 14