³blokad/o

1.

[blokad.0o.MIL]

Milita strategio malhelpanta la provizadon de la kontraŭulo je necesaĵoj, barante la vojon, laŭ kiuj tiuj transportiĝas: pro la blokado de Sarajevo, mi ne povis ricevi novan [jarlibron] [1]; [oni] bonvenigos okupaciantan potencon, kiu dum dek jaroj regule bombadis nordon kaj sudon de la lando kaj per blokado ruinigis la ekonomion [2]; la prezidanto elektis marblokadon ĉirkaŭ la insulo por malhelpi la sovetiajn ŝipojn alporti pliajn raketojn [3]. sieĝo

2.

[blokad.0o.baro]

Politika strategio, ĉe kiu oni provas koncedigi kontraŭulon barante la aliron al bezonata aŭ dezirata rimedo:

a)

[blokad.0o.embargo]

Embargo: ĉiuj ŝtatoj devus antaŭe promesi, ke ili […] partoprenos en ekonomia blokado kontraŭ ĉiu ajn, kiu rifuzus obei ^FSp ; la uson-kubaj rilatoj, se ili restas markitaj de la maljusta komerca blokado [4]; dum la komunisma reĝimo mineraloj estis la ĉefa fonto por „trarompi la blokadon“ kaj certigi al si valuton [5]. sankciumo

b)

[blokad.0o.manifestacio]

Formo de manifestacio, ĉe kiu oni sidante, kuŝante, alkroĉiĝante baras vojon aŭ enirejon: post la sieĝo de Ĵenin fare de la israela armeo printempe de 2002, sidblokadoj organiziĝis dum 42 tagoj antaŭ la sidejo de UN en Damasko [6].

kun la ĉina movado daŭre apenaŭ ekzistas kontakto pro la interreta blokado kontraŭ sociaj retejoj fare de la registaro [7]; laŭ la prokuroro, la blokado de la akcioj ne estas konfiskado, sed konserva dispozicio, ĉar s-ro Ĥodorkovski kaj liaj amikoj ŝuldas al la ŝtato 1 miliardon da dolaroj [8]; la aŭstra ekonomio suferus okaze de blokado de turka EU-membreco [9]. ĉantaĝi, devigi

(tr)

Realigi blokadon: en Moskvo agresemaj manifestaciantoj el por-registaraj junularaj organizaĵoj dum semajno blokadis la ambasadon de Estonio [10]; la loĝantoj blokadis la nacian vojon multajn horojn [11]; la viruso de 1918 blokadis la homan interferonon (kontraŭvirusa proteino en organismo) kaj tial disvastiĝis laŭ la tutaj spirvojoj [12]. barikadi, bloki, sieĝi