^*-an/ ^UV

I.

-an

serĉi '-an'

[an.0]

Sufikso signifanta membron de:

1.

[an.0.grupo]

grupo, kiun la antaŭmetita radikalo indikas rekte (la radikalo indikas grupon): akademiano, komitatano, ŝtatano, familiano, partiano, policano, samklasano, estrarano; aŭ nerekte (la radikalo indikas arigan principon): amerikano, parizanino, kaŭkazano, stepano, montarano, urbano (iu el la loĝantaro de loko); kristanino, luterano, kalvinano (membro de konfesio iniciatita de la koncerna aŭtoro); movadano, samideanino (iu el la grupo difinita per komuna celo, konvinko); samtempano, samsortano, samgentanoj [1]; (iu el la grupo difinita per komuna cirkonstanco); ŝipano (kp ŝipestro), lernejano, kursano, baptanino (iu el la grupo difinita per kuna agado en tio aŭ per tio kion indikas la radikalo).

Rim. 1: Ofte, sed ne ĉiam kaj ne tute, la sufiksoj -an kaj -ist sinonimas (vd rim.2 sub -ist).

Rim. 2: Kelkajn vortojn, pruntitajn kun neesperanta radikfino -an la vortaroj tradicie listigas kiel esperantajn derivaĵojn: kapelano, sakristiano ktp. Tio estas pia memtrompo. [Sergio Pokrovskij]

2.

[an.0.lando]

lando, kies radikalo havas landan signifon. La aldonita sufikso -an formas nomon de la landanoj, laŭ la sistemo „Lando-landano“: en la novaj landoj [...], ĉiuj ĝiaj loĝantoj uzas por si (per -an) la nomon de la lando[2]; Kanado-kanadano; Aŭstralio-aŭstraliano; Alĝerio-alĝeriano; Irlando-irlandano; Sud-Afriko - sud-afrikano; Pakistano-pakistanano. landnomo

1. Michel Duc Goninaz: Eks-Jugoslavio: kiu kiun mistifikas?, Monato, 2000/06, p. 8
2. L. L. Zamenhof: Lingvaj Respondoj, Respondo 47, Oficiala Gazeto, III, 1911, p. 291

beloruse:

афікс, які вызначае удзельніка групы, насельніка краіны

france:

-ien, -and, -ais, -ol, -ois, -in, -ain, -ard, -en, -an, -ant, -ier, -iste

germane:

1. -aner, -er

ide:

-an

pole:

przyrostek przynależności

signune:

D@45

taje:

แสดงความเป็นสมาชิก 2. à¹à¸ªà¸”งความเป็นชาว

volapuke:

-an

II.

Samsignifa radiko:

ano

serĉi 'ano'

[an.0o]

Membro: ano de la Berlina Grupo; anoj de la katolika Eklezio [3]; granda diferenco disde la aliaj ekspedicioj, kiuj traktis la ŝerpojn nur kiel anojn de servista klaso [4].

3. Monato, Antonjo Gambuti: Vatikano rebatas (1)
4. Monato, Sir Edmund Hillary: Vivo dediĉe al la ŝerpoj

angle:

member

beloruse:

член, чалец, удзельнік

ĉeĥe:

člen, příslušník

france:

membre

germane:

Mitglied, Anhänger

greke:

μέλος

hebree:

חבר

hispane:

partidario, miembro (de un grupo)

ide:

membro

japane:

会員 [かいいん]

katalune:

membre, soci

pole:

członek, adept

ruse:

член

slovake:

člen, príslušník, stúpenec

taje:

สมาชิก

ukraine:

член

ani

serĉi 'ani'

[an.0i]

[an.0i.POL]

Esti ano, membri: ŝi […] anis al la bando, kiel speco de morala kaj jura konsilisto, avertante ĝis kie ni povis iri sen transpasi la limojn [5]; estis rekonebla nur ke li anis en la popola milico, ĉar estis brakbendo sur lia mantelo [6].

5. J. Valano: Ĉu li bremsis sufiĉe?, 1978
6. G. Grass, trad. W. Kirschstein: el: Mia Jarcento, La Ondo de Esperanto, 1999:11 (61)

beloruse:

удзельнічаць, быць чальцом, быць сябрам

france:

être membre

pole:

być członkiem, należeć do

^*anaro [7]

serĉi 'anaro'

[an.0aro]

Grupo, societo: ne mortos jam nia bravega anaro, ĝin jam ne timigos la vento [8]; la mondo vidas en mi ĉiam la naturan reprezentanton de la anaro esperantista [9]; ĉiu vera religiulo, humanisto aŭ framasono, kiu el la anaro de la parolantoj kaj revantoj transiras al la anaro de la efektivigantoj, fariĝas per tio „homarano“ [10].

7. L. L. Zamenhof: Fundamento de Esperanto, Universala Vortaro, an'ar'
8. L. L. Zamenhof: La Vojo
9. L. L. Zamenhof: Paroloj, Parolado antaÅ­ la Kvina Kongreso Esperantista en Barcelona en la 6a de septembro 1909
10. L. L. Zamenhof: Homaranismo, Pri la homaranismo

angle:

membership

beloruse:

група, грамада, зьвяз

ĉeĥe:

posádka, stádo, členstvo

france:

groupe, collectif

germane:

Gruppe, Verein

hebree:

קבוצה

hispane:

grupo, sociedad

ide:

grupo, societo

japane:

集団 [しゅうだん], サークル [さーくる], 会 [かい]

katalune:

grup, col·lectiu, associació

pole:

ekipa, zespół

rumane:

echipament, ansamblu

slovake:

členstvo

taje:

กลุ่ม, องค์กร

ukraine:

група, колектив

aniĝi

serĉi 'aniĝi'

[an.0igxi]

[an.0igxi.POL]

Aliĝi al grupo, societo, organizaĵo: aniĝi al la kongreso; Hari aniĝas en la teamo de Kviditĉo. [11]; Petro Baka aniĝas al loka grupo kiu apartenas al la landa Esperanto-asocio [12].

11. Vikipedio, Hari Poter kaj la Ŝtono de la Saĝuloj
12. Maria kaj la grupo - autodidactproject.org

angle:

join

beloruse:

уступіць (у грамаду, партыю і да г.п.)

ĉine:

入伍 [rùwǔ], 加入 [jiārù]

france:

adhérer

germane:

Mitglied werden, eintreten

hebree:

להצטרף

hispane:

adherirse, ir en grupo

japane:

入会する [にゅうかいする]

katalune:

adherir-se, afiliar-se

pole:

zrzeszać się, zgłaszać się

ruse:

вступить (в общество, партию), влиться (в коллектив)

ukraine:

приєднатися, вступити в спілку, організацію, увійти, влитися в колектив