spam/o ^Komputeko

(komune)

Nedezirata reklamo amase distribuata per retpoŝto: por tiu malagrabla fenomeno jam establiĝis (ankaŭ en la esperantlingvaj retforumoj) nova vorto: spamo [1]; ni havas la eblojn: fermi tiun ĉi rubrikon, inventi falsajn reagojn aŭ publikigi la spamojn, kiujn ni abunde ricevas [2]; spame disanonci sin al ĉiuj konataj retadresoj de esperantistoj [3]; post preskaŭ tri monatoj, alvenis la unuaj spamleteroj kaj virusoj al la unua adreso [4]; vaste uzata komerca kontraŭspama programo forfiltris ĉiujn mesaĝojn enhavantajn la literon „p“ [5]! la plej multaj spamsendiloj estas simplaj programoj, kiuj sendas multajn mesaĝojn kaj ne zorgas reprovi [6].

(komune)

Trudmesaĝo sendita per retpoŝto; spammesaĝo: ĉiusemajne mi ricevis centojn da „spamaĵoj“ ĉiaj: pri usonaj produktoj, kuracistoj kaj dentistoj en Kalifornio, ferioj en Disneyland, adolta kaj infana pornografio, asekuro, ktp [7]; ĝisdatigi la filtrilon, por ke ĝi ĝuste trafu la spamaĵojn, estas grandega laboro [8].

(komune)

Reklamisto, kiu uzadas spamon: […] kaŝi vian adreson, tiel ke spamistoj ne trovu ĝin [9]; la asocio […] pretas donaci la sumon de 10 000 usonaj dolaroj [subtenante] la akuzon de profesia spamisto [10].

Kromprogramo de retpoŝtilo, kiu apartigas aŭ detruas spamaĵojn: vi ricevos retpoŝtan kopion, se via spam-filtrilo ne blokos ĝin [11]; [se] vi ne ricevos respondon ene de normala tempoperiodo, indas suspekti, ke via letero estis barita de iu misagordita spamfiltrilo [12].