⁵slip/o ^PV

Kartona aŭ papera folieto, facile klasigebla, sur kiu oni skribas ian noto¹n: li eksidis apud la skribotablo, eltiris keston kaj sencele rigardis foliojn kaj slipojn [1]; de komplikita mikroskopo pendis slipo, sur kiu estis skribita la adreso [2]; Magnetofona Servo (ĝis 1972 ĝi produktis 292 programojn) kaj Koresponda Servo (entute 3 920 slipoj ĝis 1972) [3]; el tirkesto [ŝi] prenis skatoleton kun malgrandaj, sed belaj paperslipoj: cento da identaj ekslibrisoj [4]; mi iris konsulti la vizoslipojn de la eksterlanda konferenca personaro [5]; el la malnovaj hotelslipoj montriĝis ke Aleksandro Jendrik loĝis dum unu semajno en Hotelo Moderna [6]; se vi kondutos lerte, li faligos antaŭ vin kelke da monslipoj [7]; li prenis registran slipon kaj komencis noti [8]; la unua libreto […] prezentas ilustraĵojn kaj tekstetojn, la dua – eltondotajn slipojn kun aŭ sen vortoj dorsflanke [9]. formularo²

Serio de slipoj, ordinare sisteme ordigitaj, per kiu oni kolektas informojn: ŝi havas nekredeble ampleksajn sliparojn kaj notlibrojn, konas parkere ĉiujn esencajn faktojn [10]; ni trovis nek rendevulibron, nek sliparon pri pacientoj [11]; en la komenco en la CO de UEA troviĝis ampleksa sliparo, en kiu estis notita ĉiu unuopa servo [12]; utiligante la abundan sliparon, jam de jaroj kolektitan de Grosjean-Maupin [13]; ili celis registri en sliparon ĉiujn verkojn iam aperintajn kaj aperontajn [14]. dosiero¹, registro¹

Kartona aŭ papera folieto kun notoj, kiun oni kaŝe uzas dum ekzameno: iuj eltrovis diversajn rimedojn, ekzemple skribilojn kun kaŝitaj slipetoj aŭ kopioj, por friponi dum la ekzameno [15].