^*pont/o ^UV

1.

Konstruaĵo ebliganta trairon de rivero, fosaĵo, kavo ks: la arkaĵoj de ponto; profunda torento […] super [kiu] estis konstruita nova ponto [1]; lia metiejo troviĝis tute apude de unu el la malnovaj ŝtonaj pontoj, sub kiu staris senĉese bruanta malalta akva muelejo [2]; la glacio fariĝis firma ponto inter la landoj [3]; en la mezo de la rivero estis granda insulo, al kiu kondukis ponto, konstruita sur ŝipetoj [4]; fervoja ponto [5]; stratdefluila ponto [6]; vaporŝipo […] venas al la granda alvetura ponto de Nordenham [7]; (figure) el la vorto kredo leviĝis la ponto de espero [8]; (frazaĵo) bruligi post si la pontojn (malebligi al si ĉiun ŝanĝon de decido) [9]; al la malamik' en kuro faru ponton kun plezuro ^PrV ; (frazaĵo) la afero ne staras sur pinto de ponto (ne urĝas) ^PrV . karto, kubo, transpasi

2.

Parto de kordinstrumento, subtenilo, sur kiu estas streĉitaj la kordoj: la instrumento havas 4 aŭ 5 pontojn [10].

3.

(figure) Interkomunikilo: Lingvo Internacia havas la celon krei inter la gentoj neŭtralan ponton [11]; Hungarlando estas ponto inter oriento kaj okcidento; tiu procedo prezentos ponton de transiro^Z ; ŝi serĉis ponton (transiron, pretekston) al pli intima konversacio. pontolingvo

Ponto, kies planko havas plurajn partojn, unu aŭ kelkaj el kiuj povas leviĝi kaj malleviĝi ĉirkaŭ horizontala akso, orta al tiu de la ŝoseo: la Londona baskulponto [Tower Bridge] ^PIV1 .

Rim.: La rilato kun baskulo estas nur proksimuma.

Ponto, kies planko povas leviĝi kaj malleviĝi: ĉe la granda lago, staris malnova kastelo, ĉirkaŭita de profunda foso [kaj] tute apude de la levponto staris maljuna saliko [12]; mi hastis antaŭen por vidi ĝin plaŭdi en la ĉirkaŭfosaĵon tuj antaŭ la fermita levponto [13].

Rim.: La donitaj ekzemploj ŝajnas montri al kastelaj levpontoj, kiuj fakte estas baskulpontoj. Sed ekzistas alia speco de levponto, ĉe kiu la planko leviĝas per vertikala translacia movo. Ne estas klare, kiel tiaj ĉi pontoj nomiĝas en Esperanto.

Ponto, kies planko pendas de metalaj ŝnuregoj: la staja pendoponto havas du aŭto-koridorojn en ĉiu direkto, fervojliniojn kaj piedirajn kaj biciklajn vojetojn [14].

Ponto, kies planko povas turniĝi ĉirkaŭ vertikala akso.

^PIV1 (tr)

1.

Meti ponton super io: superponti kanalon; transponti fendegon.

2.

(figure) Transpasi malhelpaĵon, baron: transponti malfacilaĵon; aŭtoj […] servis por rapide transponti grandajn distancojn [15]; genie transponti tiujn ĉi du skolojn [16]; la dokumento ne instrukcias kiel transponti la internan konflikton [17]; la civila socio kaj la privata sektoro havas firman volon transponti tiun dividon [18]; la movado por Esperanto […] celas per neŭtrala komunikilo transponti la kulturojn [19]. venki

(tr)

^PV Superponti: venis al mi la demando, kial, dum tutaj jarcentoj, neniu provis transpontigi tiun abismon [20].