^*paser/o

Genro el familio paseredoj (Passer), vivanta precipe en urboj: pasero kaptita estas pli bona, ol aglo kaptota [1]; ĉu oni ne vendas du paserojn por asaro [2]? la historion aŭdis [mi] de la paseroj [3]; ĉiuj junaj paseroj ne fariĝos najtingaloj [4]; amase balanciĝadis la paseroj sur la vinberbranĉoj kaj babiladis inter si [5]; la neĝa kovro kvazaŭ trafalis en la teron kaj jen sur unu jen sur alia loko elmontriĝis verda placeto, kie tuj eksvarmis paseroj [6]; paseroj kaj paruoj flugetis inter la branĉoj de la pomarboj [7]; ĝi estas ankoraŭ pasero en la aero ^PrV (nur projektita, ne efektivigita; vd. birdo, nebulo); celis paseron, trafis anseron ^PrV ; pri tio jam ĉiuj paseroj babilas ^PrV (tio estas jam diskonata).

Ordo el la klaso birdoj (Passeres, Passeriformes), kies idoj malfermas la bekon ĉe tuŝo de la beko aŭ ĉe tremeto de la nesto kaŭzita de alveno de gepatra birdo.