³nominal/a

1.

Noma, posedanta nur la nomon, ne la efektivan povon kaj rajton: ĉefa celo de ambaŭ partioj estas fortordi la absolutan – almenaŭ nominale absolutan – povon for de la reĝo [1]; virgulinoj, sin dediĉinte al dumviva servo al Iŝtar, kelkafoje fariĝis nominalaj edzinoj de nobeloj [2].

2.

Indikanta la deklaritan valoron de io kontraste al la efektiva: aĝio estas la diferenco inter la nominala kaj la efektiva laŭkurza valoro; kvankam la nominala averaĝa salajro lastan jaron kreskis je 2,2 %, la reala salajro, kiu enkalkulas inflacion, falis je 1,6 %, ĉar la prezoj kreskis pli rapide [3]; ĉiu societa parto nominale valoras 100,00 frankojn kaj sufiĉas aĉeti unu por esti plenrajta membro [4]; Kroatio jam de kelkaj jaroj estas laŭ nominala sumo de salajroj en la dua loko (post Slovenio) inter la transiĝantaj landoj, sed pro la altaj vivkostoj la vivnivelo en Ĉeĥio kaj Hungario estas pli alta, ol en Kroatio [5]; aperis nova aŭstra poŝtmarko pri Esperanto-temo en eldonkvanto de 1500 ekzempleroj, ĝia nominala valoro egalas al tiu de enlanda afranko por ordinara letero [6].

formala, oficiala, regula¹

Valoro indikita sur la dokumento, ne nepre estanta la merkata valoro, ekzemple sur akcioj: Julia kunfondis Internacian Esperanto-Instituton kaj Universalan Ligon kaj kuneldonis la metalajn Stelo-monerojn, kies nominaloj estas 1, 5, 10 kaj 25 Steloj [7].

Doktrino, laŭ kiu la ĝeneralaj ideoj estas nur nomoj, kaj ne posedas ian realan ekziston, kontraste al realismo¹.