¹⁰mongol/o

Ano de tradicie nomada popolo de la stepoj inter Siberio kaj la norda Ĉinujo: tiu manĉura dinastio estis poste siavice jugita sub la mongoloj, kiel parto de ties mondimperio, kiu estis preskaŭ fariĝonta vere monda, venkinte en 1241 la aliancajn trupojn de la Sankta Imperio kaj de la poloj ĉe Liegnitz en Silezio antaŭ ol ili retiris armeojn je la morto de la Granda Ĥano en la hejmlando [1]; en la 12a kaj 13a jarcentoj la alanoj, la praavoj de nunaj osetoj, kreis sian ŝtaton, kiun ruinigis mongoloj, kaj poste la ŝtato ne renaskiĝis [2]; ne nur finnoj kaj estonoj partoprenis en la glaciskulptado, sed ankaŭ ĉinoj el Harbino, mongoloj el Ulanbatoro […] [3].

Rilata al la mongoloj, ilia lingvo, kulturo kaj historio: la han-genta regno en la suda Ĉinio estis alsorbita al la mongola imperio ― tio estis la unua fojo kiam la tuta Ĉinio estis sub fremda regado [4]; la mongola lingvo apartenas al la samnoma familio [5].

1.

Vasta teritorio en Azio, kie loĝas mongoloj.

2.

Ŝtato en Azio, limanta al Rusujo kaj al Ĉinujo: Mongolujo kaj Afganujo restis oficiale sendependaj, kvankam Mongolujo ekzistis kiel sovetunia satelita ŝtato kaj sovetuniaj trupoj invadis Afganujon en la fino de la 20-a jarcento [6].

Parto de Mongolujo, troviĝanta en Ĉinujo: Granda Ĥingan-Montaro […] dividas la manĉuran ebenaĵon de nordorienta Ĉinujo oriente [de] la Mongola Altebenaĵo de Interna Mongolujo okcidente [7].