²metropol/o

1.

Ĉefa urbo rilate al la cetera lando: progreso povas okazi ne nur en metropoloj, sed same en periferiaj regionoj [1]; superfluaj laborfortoj invadas de vilaĝoj al urboj, de malgrandaj urboj al metropoloj [2]; Pekino estas kaj historia kultura urbo kaj moderna metropolo [3]; en 1951 en la brita ĉefurbo okazis Festivalo de Britio […] milionoj da britoj tiam vizitis la festivalan lokon en la metropolo [4]; en la jaro 2015 […] ekzistos minimume 36 urbegoj, kiuj havos pli ol 8 milionojn da loĝantoj ― tiel nomataj megametropoloj [5]; „Meznokto metropola“ (poemaro de Krys Ungar) [6].

2.

(arkaismo) Origina lando rilate al siaj kolonioj: evoluigo de kolonioj kaj ilia funkciigo ekonomie aŭ militiste laŭ interesoj de la hejmlando (metropolo) [7].

3.

Aglomeraĵo de pluraj urboj en kvazaŭ-urbego: la germana metropolo Rejno-Ruro (unua industria regiono de Eŭropo) [8]; la transnacia regiono Lille-Kortrijk-Tournai, nomata „Eŭrometropolo“ [9].