¹koloni/o ^PV

1.

Teritorio, loĝata kaj administrata de elmigrintoj en fremda lando aŭ neokupita regiono; pli vaste: tereno, sur kiun oni instalis specifan loĝantaron: Marsejlo estis greka kolonio; kolonio komunista de Aŭstraliaj elmigrantoj estas nun fondata en Paragvajo [1]; inter proksimume 1800 kaj 1949 Indonezio estis kolonio de Nederlando [2]; venis ordono forkonduki ŝin en la orientan dezerton, kie apartigita de homoj, ekzistis kolonio de lepruloj [3]; ĉiuj [dometoj] identas, dronante en verdaĵo de legomĝardenoj, ĝardenetoj kaj florejoj: tio estas la laboristaj kolonioj [4]. setlejo

2.

Lando, administrata kaj ekspluatata de ŝtato ekster siaj landlimoj: la transmaraj kolonioj de Germanujo akiris sendependecon; la ĉefa vidindaĵo de la Kolonia Ekspozicio en Parizo estis la fama Templo de Angkor [5]; ĝenerale la koloniaj laboristoj estas ja pli ekspluatataj ol la laboristoj el la metropolo [6]. dominio

3.

Aro da samnacianoj loĝantaj eksterlande en sama urbo aŭ regiono: la pola kolonio en Usono; en urboj, eĉ Germanoj havis propran kolonion kaj kvartalon [7]. kvartalo

4.

Grupo de vivaĵoj, plej ofte samspeciaj, dense kunvivantaj en unu loko: kolonio de formikoj; kolonio de cignoj [8]; la apartaj kolonioj de monedoj estas komunumoj de fermita tipo, kies membroj konas unu la alian [9]. grego, populacio, roto³

(tr)

Igi kolonion¹,²: Rusoj koloniis Siberion; koloniadon de la Norda Ameriko komencis britoj [10]; Angilon malkovris Kristoforo Kolumbo en 1493, britoj koloniis ĝin en 1650 [11].

Ano de kolonio: ankoraŭ Las Casas predikis kontraŭ la moro de fumado, kiun oni heredis de la kolonianoj [12].

^PV

Kolonii: por koloniigi la Lunon per poloj oni bezonas multegajn kosmoraketojn [13]; Gerando estis koloniigita de bretonoj en la dua duono de la 6a jarcento [14].

Ekonomia sistemo, en kiu la regna prospero baziĝas sur ekspluatado de ĝiaj kolonioj ²: la konferenco celis liberigi aziajn kaj afrikajn naciojn de imperialismo kaj koloniismo, kaj krei ekonomian kaj kulturan kunlaboron inter la koncernaj landoj [15]; por tiuj, kiuj preferas fermi la okulojn antaŭ la krimoj de koloniismo, ĉi tiu verko ne estas rekomendinda [16].

Loko, kiu iam estis kolonio de fremda regno: plej multaj ŝtatoj, aparte en ekskolonioj kaj la orienta Eŭropo, estas plurlingvaj [17].

Politika movado, kontraŭa al koloniado kaj ekspluatado de kolonioj²: la Indoneziano Liem Tjong Hie tradukis el la fama kontraŭkoloniisma verko Max Havelaar de Multatuli [18].

Politika, ekonomia aŭ militforta influado flanke de pli riĉa regno, kiu ofte estis kolonianto: ili nun disvolvas novkoloniismon en Afriko dividante esperantistojn afrikajn por regi [19].