^*loĝi/o

^*loĝio

1.: Malgranda aparta fako por kelkaj personoj en spektejo ks: la imperiestro, akompanata de la imperiestrino brilanta de beleco kaj diamantoj, ĵus eniris en sian loĝion, lia sekvantaro […] staris en la posto de la loĝio [1]; sur ora plado [li] donis al li oran ŝlosilon de la loĝio en la cirko [2]; se vi nur du aŭ tri fojojn montriĝus en loĝio de unua etaĝo ĉe la prezentado de ia moda komedio, [ĉiuj demandus] kiu ŝi estas ^Marta? en la eleganta restoracio li serĉis al si mahagon-koloran, duonferman loĝion [3].
2.: Galerio larĝe malfermita sur ekstero, ordinare ĉe etaĝo de domo: ili eniris grandan, tre komforte meblitan ĉambron kun loĝio, donanta vidon sur folioriĉa angulo de la ĝardeno [4]; baldaŭ ili atingis la Bambuan Loĝion [5].
3.: Sekreta societo, de framasonoj k.a., kaj loko en kiu ili kunvenas: laŭ la raporto de Andreo Cseh pri la fermo de Internacia Esperanto-Instituto en Hago („apudorganizaĵo de la framasonaj loĝioj“), Schwier fanfarone deklaris, „ke li jam neniigis la Esperanto-Movadon en Germanujo […]“ [6]; Unuiĝinta Loĝio de Teozofoj [7]; li rifuzis realiĝi al la socialista partio kaj al la framasona loĝio (li aliĝis en 1933 al loĝio „La homa rajto“ [8].

1. Ludoviko Lazaro Zamenhof: Fundamenta Krestomatio de la lingvo Esperanto, Fundamenta Krestomatio de la lingvo Esperanto
2. B. Prus, trad. Kazimierz Bein: La Faraono, vol. 2, Ĉapitro VIII
3. Ferenc Szilágyi: Koko Krias Jam!, I
4. H. A. Luyken: Mirinda Amo, Ĉapitro XVI
5. Cao Xueqin, trad. Xie Yuming: Ruĝdoma sonĝo, ĉapitro 74a, p. 559a
6. Ivo Lapenna, Tazio Carlevaro kaj Ulrich Lins: Esperanto en Perspektivo, Kvina Parto
7. Monato, Christian Declerck: Spirituala materialismo, 2009
8. La Ondo de Esperanto, 2001, №6