¹⁰kroat/o

Ano de sudslava etno, laŭ iuj fontoj invititaj en la 7-a jc de la bizanca imperiestro Heraklio el sia origina loĝloko ĉe la rivero Vistulo al la nuna Kroatujo; civitano de Kroatujo: en tiu regiono loĝas plimulte bosnaj serboj, sed dum jarcentoj ili vivis kiel najbaroj de islamanoj kaj kroatoj kaj ili alkutimiĝis al diverseco kaj kuna vivo [1]; la […] kroatoj havis grandan ŝtaton en 10a kaj 11a jarcentoj, post kiam ili ekapartenis al hungaroj kaj ĉiam poste ĝis 1918 havis kadre de hungara, poste aŭstrohungara ŝtato fortan aŭtonomion [2]; dum la somero de 1992, kvardek kvin mil kroatoj kaj sesdek mil hungaroj estis forpelitaj el Vojvodino por loĝigi serbojn, fuĝintajn el Kroatio [3].

Rilata al kroatoj, ilia lingvo, kulturo ktp: en la kroata lingvo troviĝas tre multaj vortoj rilatantaj al la bovo, ŝafo, ĉevalo, do al la brutaro, kiu okupas elstaran lokon en la mastrumado [4]; de la kroata oficiro Mavro Ŝpicer aperis kelkaj originalaj poemoj [5].

Rilata al la lingvoj bosna, kroata, montenegra kaj serba; termino enkondukita 1824 de Jacob Grimm: en la dua duono de la 19a jc la serbokroata estis oficiala norma lingvo de la serboj, kroatoj, bosnoj kaj montenegranoj; Vesna Skaljer-Race […] publikigis kelkajn poemarojn ankaŭ en la serbokroata lingvo [6]; [ŝi] rolis en la juĝejo kaj polica enketistejo kiel interpretistino de la bulgara, serbokroata kaj turka lingvoj [7].

Ŝtato en la suda Eŭropo kun ĉefurbo Zagrebo; teritorio de Respubliko Kroatujo, limanta kun Bosnujo kaj Hercegovino, Hungarujo, Montenegro, Serbujo, Slovenujo kaj Adriatiko: la unuaj loĝantoj de San Marino estis rifuĝintoj el Kroatujo [8]; Božidar Vančik […] estis elstara poeto, tradukisto kaj lingvisto, konata en Kroatujo ankaŭ ekster la Esperanto-Movado [9]. Kroatio