gravit/i ^PV

(laŭ Neŭtono) Forto altiranta masojn unu al alia kaj tiel donanta al ĉeteraj objektoj sian pezon, kaŭzanta tajdojn per la gravito de la luno ktp; (laŭ Ejnŝtejno) eco de la spacotempo kurbigita per masdistribuo, kaŭzanta korpojn moviĝi laŭ ĝiaj geodeziaj linioj (vd inerteco¹): kio igas la planedojn rondiri laŭ elipsaj orbitoj? ĉu ne la planedoj mem, kies mas-gravito efikas tiel ^VaK ? planeda gravito translokas tien reen la centran stelon iomete, tiel kaŭzante koloran fluktuadon de la stela lumo [1]; 2M1207b formiĝis, samkiel la steloj, per gravita kolapso de kosma nebulo [2]; la satelito Grace […] precize esploras la gravitokampon de la tero kaj tiel ankaŭ detektas grandskalan redistribuadon de masoj kiel tiun pro la glacifandiĝo [3]; en septembro 2017 la Nobel-Premio pri fiziko estis donita al tri sciencistoj kiuj plej multe kontribuis por la sensacia malkovro de gravitaj ondoj [4]; akvo fluas kiel gravito diktas: alvalen, tamen geologiaj formacioj fojfoje kreas la iluzion ke ĝi fluas supren [5]; dum montogrimpado mi eĉ ŝatis tiun momenton kiam mi sentis puŝata min gravite malsupren [6].

(ntr)

(figure) Troviĝi sub influo de centra, pli grava afero, komparebla al influo de gravito (kp satelito²): neregistaraj organizoj […] gravitas ĉirkaŭ la organizoj de la UN kaj vivas danke al ili [7]; centraj lingvoj, ĉirkaŭ kiuj gravitas […] plurdekoj da periferiaj lingvoj [8]. dependi, orbiti

Stato, en kiu ne sentiĝas pezeco, ĉar nenio bremsas la graviton, kiel dum libera falo aŭ punkto de egalpezo inter tero kaj luno: mi supozas ke sengravito ne estas nova sperto por vi [9]? la plej gravaj defioj, kiujn iu ajn homo devas alfronti survoje al Marso [estas] de elmeto al altenergiaj kosmaj radioj […], plidaŭrigita malaltgravita medio […] [10]; (figure) lokita en politika sengraviteco [11].