farm/i

^*farmi

(tr)

: Lupreni laŭ kontrakto por difinita tempo teron, bienon, gastejon, entreprenon ks por ĝin uzi (kulturi, funkciigi) je sia propra risko kaj profito: ia societo farmis la tiean fosejon kun la rajto aĉetadi laŭ pezo en karatoj ĉiajn ŝtonojn, […] la kontrakto finiĝis la 30-an de Junio de tiu ĉi jaro, kaj tiu grandega diamanto estis preskaŭ la lasta ŝtono, kiun oni trovis ^FK; ni prezentu al ni la leĝajn rilatojn, kiuj naskiĝas de la tera propraĵo: la heredigadon kaj donacadon, […] farmadon liberan, farmadon heredan, farmadon tempan ^BdV. ekspluati

1.: Farma prenado: hereda farmo vi estas nun la sola kaj plena proprulo de la libera posedaĵo, kiun vi ĝis nun havis en farmo kiel koncesiitan drinkejon ^BdV; la patra farmodomo havis nur veturilajn ĉevalojn ^KPr. la farmkamparanoj ne pagis ĝustatempe la farmpagon, ŝtelis lignon, preskaŭ ĉiunokte la gardistoj kaptis […] ĉevalojn, sin paŝtantajn sur la herbejoj de la bieno ^PatrojFiloj; franĉizo²
Rim.: En kelkaj kunmetaĵoj de „farmo“, kiel estas ĉe „farmbieno“ kaj „farmdomo“, la ideo pri luado povas malaperi kaj restas nur la ideo pri agrokultura entrepreno.
2.: (evitinde) Farmbieno: malriĉaj farmetoj ^Tor; ni produktigis la farmojn sufiĉe por subteni nin ^Rob.
Rim.: Laŭ la Fundamento farm' estas verba radiko, do ago. Ĝi ne povas samtempe nomi objekton. La vorto „farmo“ en la senco de bieno supozeble estas falsa amiko el la angla vorto farm = „bieno“.

beloruse:: 1. арэнда (зямлі)
ĉeĥe:: 1. farma, nájem (nemovitosti), pacht, statek
france:: 1. fermage hereda ~o: bail emphytéotique. ~odomo: ferme (bâtiment).
germane:: 1. Pacht hereda ~o: Erbpacht. hereda ~o: emphyteusis. ~odomo: Bauernhof (Gebäude), Farm (Gebäude).
hispane:: 1. arrendamiento, arriendo
hungare:: 1. haszonbérlet, földbérlet, árenda, farm
japane:: 小作 [こさく], 賃借り [ちんがり]
nederlande:: 1. pacht ~odomo: pachthuis.
ruse:: 1. аренда (земли) hereda ~o: эмфите́взис.
slovake:: 1. farma, statok
ukraine:: оренда (землі)

: Tiu, kiu farmas bienon: la oficejo [troviĝis] post malfermita pordo kaj du glataj malsupren kondukantaj ŝtupoj, tiel ke ia kolera farmanto, kiu postulis proceson, kun la plej granda facileco povis ensalti ^BdV; Kristoforo do iris por serĉi konvenan servistinon, kaj post iom da tempo trovis filinon de farmisto ^HsT; disĉiploj de William Miller, farmulo de Nova Anglio kiu kredis je la laŭlitera plenumiĝo de la biblia profetaĵo, atendadis tute tra la jaro 1843 [1].

1. Diversaj aŭtoroj: Le Monde diplomatique en Esperanto 2008-2010, La profetoj trompiĝas neniam

: Bieno – domo kaj kampoj – prizorgata de farmanto: mi aranĝis moderne miajn rilatojn kun la kamparanoj, mi fondis farmbienon ^PatrojFiloj; tio ne malhelpis, ke la farmbienuloj estas pli malmole premegitaj de la subregisto, kiu penis sin riĉigi per la malriĉiĝo de sia mastro ^KPr; vidu, mi kreskis en farmbieneto, kiam mi estis knabino, mi preskaŭ sola zorgis pri la bovinstalo ^ViV; DFA, la plej granda lakt-kompanio en Usono, havas 18 000 grandajn farmejojn en 48 usonaj ŝtatoj [2].

2. Liu Sigong, Liu Zijia: Yili kaj DFA fariĝis strategiaj partneroj, Espero.com.cn, 2013-07-05

(tr)

: Luigi sian bienon al farmanto (farme doni): ne dezirante prilabori mem la pecon da tero, kiu restis ĉe li, li farmigis ĝin, kaj la farman monon li fordrinkis en unu semajno ^FK; la ŝuldanto, por ĉiu pruntita talento, farmdonas al ili, por tri jaroj, du mezurojn da tero kun tridek du homoj [3]; tiam oni povus ricevi rikoltojn, kiuj sufiĉas ne nur por resemado kaj por nutri la terkulturiston kaj liajn dungitojn, sed ankaŭ por nutri la terposedantan klason, kiu mem ne prilaboras la teron sed farmigas ĝin [4].

3. B. Prus, trad. Kazimierz Bein: La Faraono, vol. 2, Ĉapitro III
4. B. Sandelin: Historio de la ekonomika pensado, Monato, 2001/02