¹dialog/o ^JED

1.

Interparolado: [li] aŭdis tiun dialogon: – ĉu vi kredas al tiu fantazia aventuro? – malfacile, kaj vi [1]? evoluiĝis inter ni jena dialogo [2]; kliento […] interrompis la dialogon [3]; la dialogo aspektis kvazaŭ tribunalo, en kiu la demandoj de la kontraŭuloj havis entute negativajn intencojn [4]; la konversacio estas iom leĝere prezentata interna dialogo de la aŭtoro [5]. konversaciodialektiko¹

2.

Literatura verko en formo de interparolado: vivaj dramaj dialogoj [6]; el la filozofoj, nur Platono ekzistas en Esperanta traduko: lia majstra dialogo Simpozio [7]; Baghy speciale regis versajn dialogojn kaj originalajn eposojn [8]. oni legis versaĵojn aŭ aŭskultis dialogojn, en kiuj aĉa strangeco anstataŭis spritecon [9]; la lingvaĵo de la traduko estas pliparte simpla kaj flua, kvankam la dialogo foje portas spurojn de skribtablo pli ol de viva babilado [10].

3.

Interŝanĝo de opinioj inter diversaj grupoj, precipe rilate al kulturo, politiko, scienco ks: interreligia dialogo [11]; interregiona dialogo [12]; ekumena dialogo [13]; plifortigata politika kaj kultura dialogo […]alproksimigu la civitanarojn de la EU-membroŝtatoj kaj tiun de Turkio [14]; la Instituto por Internacia Kunlaboro […] volis certigi dialogon interetnan kaj internacian por paca komuna estonteco en suda Eŭropo sen emociaj ŝarĝoj kaj antaŭjuĝoj [15]; plibonigi dialogon inter EU kaj ĝiaj civitanoj [16]; por nia revuo gravas la dialogo kun vi, niaj legantoj [17]. diplomatio, interrilato, kontakto³

4.

Reĝimo de laboro kun komputa sistemo kiam la uzanto regas la programplenumon per siaj komandoj dum la rultempo.

Rim.: „Dialoga reĝimo“ kutime implicas interŝanĝon de tekstaj komandoj aŭ demandoj kaj respondoj aŭ invitoj; en „interaga reĝimo“ eblas uzi pli evoluintajn programajn aŭ aparatajn rimedojn.

seancofona reĝimo

(ntr)

Interparoli: prefere dialogi ol stratbatali [18]; intelektuloj, kiuj preferas polemiki anstataŭ dialogi [19]; miaj diroj pri la lingvo estas invito dialogi: „jen kion mi opinias, kion mi preferas, diru al mi, kion vi opinias […]“ [20]; homoj povas komputile dialogi inter si, por kio kompreneble necesas, ke ili estu maldormaj samtempe, kvankam eble loĝante en malsamaj tempozonoj [21]; la registaro, ricevinte de la Niĝeria Laborkongreso 14-tagan averton pri la striko, rifuzis dialogi kaj renversi la decidon [22]. disputi, intertrakti

Homo, kiu profesie redaktas dialogojn de filmoj: Saadat Hasan Manto [...] venis al Mumbajo [...], kaj tie laboris kiel novelisto, dramisto, eseisto, tradukisto [...] kaj dialogisto por filmoj [23].

En grafika fasado, speciala fenestro, kiun la sistemo aŭ aplikaĵo aperigas sur la ekrano kiam ĝi bezonas respondon de la uzanto: facila maniero skribi la ĉapelitajn literojn en la dialogujoj [24].