sterk/o

^*sterko

serĉi 'sterko'

[sterk.0o]

: [sterk.0o.AGR]; Ĝenerala nomo de ĉiuj produktaĵoj, organikaj aŭ mineralaj, uzataj por plibonigi la kulturgrundojn; tradicie, ekskrementoj miksitaj kun pajlo: sterko de kolomboj (kp guano) [1]; pajlo estas dispremata en sterka koto [2]; kiam la akvoj malaperas, […] restas fruktoporta ŝlimo, kiu anstataŭas plej bonajn sterkojn [3]; kadavroj de homoj falos kiel sterko sur la kampojn [4]; (figure) vi estas neniaĵo, sterko, ekskremento [5]! kiom kostas […] artefarita sterko [6]? humo, kompoŝto, marno, mulĉo

1. trad. L. L. Zamenhof: La Malnova Testamento, II. Reĝoj 6:25
2. trad. L. L. Zamenhof: La Malnova Testamento, Jesaja 25:10
3. B. Prus, trad. Kazimierz Bein: La Faraono, vol. 1, Antaŭparolo
4. trad. L. L. Zamenhof: La Malnova Testamento, Jeremia 9:22
5. Vasilij Eroŝenko: El vivo de ĉukĉoj, 7. La nesolvebla problemo.
6. Stellan Engholm: Homoj sur la tero, Disaj vojoj

serĉi 'sterki'

[sterk.0i]

(tr)

: [sterk.0i.AGR]; Plibonigi grundon per sterko: La venenan herbon ⫽ Ne sterku, ke ĝi pli ankoraŭ kresku [7]! Liebig faris rimarkindajn eltrovojn pri la sterkado de la tero [8]; multkampan sistemon vi havas, maŝinojn, kemian sterkadon, bonan rikolton ^Metrop; ekskrementojn oni efike reuzas por sterki [9]; (figure) tentas min poemon mian sterki per mallicencoj, versi inter limoj [10]. fekundigi, mulĉi

7. William Shakespeare, trad. L. L. Zamenhof: Hamleto, Reĝido de Danujo, Hamleto
8. I. S. Turgenjev, trad. Kazimierz Bein: Patroj kaj filoj, VI
9. Monato, Ivo Durwael: La rikolto de la nova tempo, 2004
10. Monato, Antonio Valén: Ĉu Ertl provizore stilekzercas?, 2005

serĉi 'sterkejo'

serĉi 'sterkamaso'

[sterk.0ejo]

: [sterk.0ejo.AGR]; Loko, kie oni amasigas kaj maturigas (organikan) sterkon: devus esti bonaj defluejoj kaj urinputo apud la sterkejo [11]; en via studĉambreto certe estis pli da komforto ol sur la malvarma kampo, en la stalo aŭ sur la sterkejo [12]; saluton, mia plej kara sterkamaso tie sube, pli belega ol altaĵo de feliĉo [13]!

11. Stellan Engholm: Homoj sur la tero, Feliĉa homo
12. C. O.: Ni Kune, Ekonomia Egaleco, 1950:8
13. A. Kivi, trad. I. Ekström: Sep fratoj, 1947