¹⁰Nepal/o

[nepal.N0o.GEOG]

Montara ŝtato en Himalajo kun ĉefurbo Katmanduo; limanta kun Tibeto (Ĉinujo) kaj Hindujo: Hillary ankoraŭ fine de la 50aj jaroj estigis fondaĵon „Himalaya Trust“, kiu havigis instruadon, medicinan priservon kaj socian asekuron al la ŝerpoj en Orient-Nepalo [1]; ni neniam spertis koleran vizaĝon en Nepalo, travivinte ankaŭ Holi – la feston de la koloroj, dum kiu precipe gejunuloj ĝoje farbas ĉiun kaj ĉion surstrate renkontatan [2]; antaŭ la jaro 1990 oni ne rajtis en Nepalo laŭleĝe paroli pri la reĝo aŭ pri lia familio [3]; Nepalon kaj Baraton dividas la dua plej longa malfermita landlimo en la mondo [4].

Rilata al Nepalo, ties loĝantoj, ilia lingvo ktp: nepalaj esperantistoj okazigos Internacian Ekskurson de Katmando [5]; ni kune vojaĝos ne nur ĉirkaŭ nepalaj montoj sed ankaŭ en najbaraj landoj [6]; nia klubo planas aranĝi klason de homoj, kiuj volas lerni Esperanton per la nepala lingvo [7].

Iu el Nepalo: Tibor Sekelj gvidis diversajn kursojn por nepalanoj [8]; en la jaro 2022, en Kataro okazos Futbala Mondopokalo, sub temperaturoj, kiuj varias de 40ºC ĝis 50ºC, junaj nepalanoj konstruas tie stadionojn, ŝoseojn, hotelojn [9].