^*misi/o ^PV

1.

[misi.0o.KRI]

Komisio donita de superulo al ekleziulo, por iri prediki kaj instrui la kristanan religion, precipe ĉe nekristanaj gentoj: fruaĝe ŝi jam komprenis, ke ŝi havas mision je la nomo de Dio por servi al la plej malriĉaj inter la malriĉuloj [1]; fondante la mision Sankta Jozefo apud la samnoma preĝejo tie, ili petis monon tra Aŭstrio kaj Germanio [2]; en la landon venadis diversaj religiaj misioj diversekleziaj, ĉu kristanaj, ĉu islamaj, kiuj krome notinde helpis per nutraĵoj, vestoj [3]; (ironie) al ĉiuj necesas mirbrosoj, nepre necesas... ― se ili ne scias tion, estas via devo, via homa misio, sciigi ilin, ― ĉiu balaas, ĉiu broslavas, ĉiu uzas brosojn por cent aferoj, kaj ili kriple manipulas per ordinaraj brosoj ^KrM .

2.

[misi.0o.vivtasko]

Grava tasko, kiu estas komisiita per antaŭdestino, per revelacio, kiu ne estas plenumebla de alia: tiu, kiu profitas la skribarton, estas estimata jam de la infaneco, li plenumas grandajn misiojn [4]; la laboristoj [estas] la klaso, kies historia misio estas unuecigi kaj sekve pacigi la mondon ^Lanti ; nia organizo havas mision, kiun ĝi devas plenumi malgraŭ ĉiaj ajn atakoj kaj miskomprenoj ^Lanti ; ni naturamikoj kaj nudistoj havas grandan mision por plenumi ^InfanTorent2 ; Quan ankoraŭ havas gravan mision en sia vivo [5]; Lidja Zamenhof levis sian voĉon, jam preskaŭ senesperan, por la paciga kaj kontraŭŝovinisma misio de Esperanto ^EeP .

3.

[misi.0o.komisio]

Komisio je grava celo, por kiu oni estas forsendata: Johano Grelo, al kiu mi komisiis konfidan mision, kaj kiu vojaĝis por la bezonoj de mia firmo, lin malkovris ^ChL ; forte pelis ŝin dezirego, rapidi antaŭen al Babel, por plenumi sian urĝan mision, antaŭ ol la tiea pastraro povos aktiviĝi ^QuV ; la regantoj kaj la regatoj renkontas unuj la aliajn, ĉu sur la stratoj, ĉu en kunvenoj, ĉu dum misio aŭ dum kampanjoj ^Rsp ; spionada misio [6]; blukaskulaj misioj [7]; longdaŭraj kosmaj misioj [8].

[misi.0ejo.REL]

Restejo de misiistoj, ofte ankaŭ loko de sanhelpaj, instruaj kaj aliaj agadoj: patrino Tereza starigis ankaŭ en sia patrujo plurajn misiejojn, kie deĵoras kaj servas ankoraŭ centoj da fratulinoj katolikaj [9]; ankaŭ lingve preĝejoj ofte funkcias kiel misiejoj de Okcidento, proponante kursojn de la angla, franca, germana ktp [10]; ekleziaj misiejoj respondecas pri la plimulto de la lernejoj [11].

[misi.0isto.REL]

Ekleziulo, kiu predikas la kristanan religion en malproksimaj landoj: [en] Grenlando […] la misiisto Han Egede kun amo laboris per vortoj kaj faroj [12]; ankoraŭ Las Casas predikis kontraŭ la moro de fumado, […] sed la tuta elokventeco de la glora misiisto restis senfrukta ^FK ; antaŭ preskaŭ mil jaroj oni ŝtonmortigis tie ĉi, laŭdire, la unuan kristanan misiiston de tiu ĉi provinco ^Tor ; ne multe da bono kunportis kun si en Kamĉatkon kaj Ĉukotlandon niaj rusaj misiistoj ^Ĉukĉoj ; dum la lasta duono de la 19a jarcento ĉi tien venis katolikaj misiistoj [13].