^*mason/i

(tr)

[mason.0i.konstrui]

Fortike konstrui ion el ŝtonoj aŭ brikoj kunigante ilin per mortero aŭ cemento: masoni muron, domon; traba domo kun masonita kelo [1]; strato konstruita de lia frato, la masona majstro [2]; ili revenis supren kaj same zorge masonis la eniron en la puton [3]; flava masonita preĝejo kun verda tegmento ^PatrojFiloj ; tiu korto estis […] de kvar flankoj ĉirkaŭita de altaj masonitaj konstruaĵoj ^Marta ; eksperimentoj kun konstrueroj, faritaj el malplenaj ladskatoloj, kaj muroj, masonitaj el malplenaj boteloj [4]; trulo [estas] ĉerpilo kaj albatilo por masonpasto [5]; [la] tombon […] oni masonfermis [6].

Io masonita: muro, konstruaĵo kc: ili supreniris mallarĝan, krutan ŝtuparon, kondukantan tra la […] masiva masonaĵo de la sesa etaĝo al la sepa ^Iŝtar ; sin klinante ĝis la zono ekster la fenestro, […] Viktoro palpis per la mano kaj serĉis en kiu stato […] troviĝas la masonaĵo ^KPr .

Metiisto de masonado: [li sendis] cedrajn arbojn, kaj ĉarpentistojn kaj masonistojn kaj ili konstruis domon [7]; la masonistoj kaj ĉarpentistoj faris antaŭkalkulon, laŭ kiu la kostoj prezentis la sumon de ankoraŭ dumil spesmiloj [8]; malantaŭ tia domo mi vidis masonistan trabaron, kiu kovris sufiĉe bone aspektantan, konstruatan domon ^VaK .