^*limak/o ^UV

1.

[limak.0o.gastropodo]
en:

(komune) Ĉiu el la ordo gastropodoj: oni havas kun si sian propran domon kiel la limako la sian [1]; li pripalpu la malgrandan konkon de la limako [2]; rigardu la limakojn, el kiuj ĉiu havas alian konkon: unu kunvolvitan, sed platan, alia kunvolvitan, sed longforman, alia ― similan al kesto [3]. heliko¹

2.

[limak.0o.genro]
en:

Genro el la familio limakedoj (Limax) kaj pli vaste ĉiu el tiu familio de senkonkaj gastropodoj: kiam mi estis infano, mi neniam vidis helikojn – nur malgrandajn senkonkajn limakojn [4]; helikoj kaj limakoj, kaj ankaŭ iufoje putrado, povas damaĝi la tuberojn de topinamburo [5].

[limak.mar0oj.ZOO]
en:

Limakformaj, senŝelaj marbestoj kun primitivaj okuloj kaj rinoforoj, karnomanĝaj; ordo el klaso gastropodoj (Nudibranchia tio estas nudbrankuloj): oni vidis interalie marlimakojn, moluskojn kaj manĝeblajn bivalojn [6].

[7]

Ebena kurbo, bildo de koniko per inversigo kun centro en unu el ties fokusoj: la polusa ekvacio de paskala limako estas de la tipo `rho=a(cos theta+l)`; se `l=1`, la paskala limako fariĝas kardioido. konĥoido, Paskalo

Rim.: La formo de tiu fermita kurbo povas iel memorigi konkon de heliko, fazeolan semon, koron, pugon aŭ ion ajn pli-malpli rondan. Eblas pensi, ke „paskala heliko“ estus pli bona termino, sed „paskala limako“ estas aŭtoritata formo kaj baziĝas sur la komunuza kaj Fundamenta senco de „limako“. Notindas ankaŭ, ke laŭdire la kurbo ricevis sian nomon ne pro Paskalo (Blazio), sed pro lia patro (Stefano).