^*lag/o ^UV

[lag.0o.GEOG]

Vasta etendaĵo da akvo, ĉiuflanke limigita de tero: la tuta supraĵo de la lago estis kovrita per naĝantaj folioj [1]; Dio kondukas vin en landon bonan […], en kiu torentoj da akvo, fontoj, kaj lagoj eliras el la valoj kaj el la montoj [2]; li vidis du ŝipetojn starantajn apud la lago [3]; la alia bordo de la lago [4]; spegulklara lago [5]; la lago briletis kiel fandita stano [6].

[lag.0eto.GEOG]

Malgranda, superrigardebla lago: oni lavis la ĉaron ĉe la lageto de Samario [8]; ili stariĝis ĉe la akvotubo de la supra lageto, kiu estas ĉe la vojo de la kampo de fulistoj [9]; iru, lavu vin en la lageto de Ŝiloaĥ [10]; en la vilaĝa lageto okazis ia grava fariĝo [11]; oni trovis lian kadavron en la palaca laglageto [12].

Antikva nomo de Malviva Maro: super Jerŝalaim nun ŝvebis […] griza nubo ariergarda, la fulmotondro estis forportata al la Asfalta Lago [13].

Plej granda lago de Italujo, ĉ. 50 km sudokcidente de Trento: ne malproksime de Verono […], ĉeborde de la Garda Lago, kun vizito de la lokoj, kie vivis la poeto Gabriele D’Annunzio [14].

[lag.Grandaj_0oj.GEOG]

La kvin grandaj lagoj ĉe la kanada-usona limo, t.e. Supra Lago, Hurono, Miĉigano, Erio, Ontario: la Grandaj Lagoj […] formas la plej grandan nesalan akvosistemon de la tero [15]; la MNP, liverita de tri usonaj grandaj urbaj regionoj (Nov-Jorko, la regiono de Los-Anĝeleso kaj la regiono de la Grandaj Lagoj), konsistigis 67 % de la MNP de ilia lando [16].

Lemano: diris Kabe siatempe: „la Esperantistoj, jes, […] ne scias sian lingvon! ili tiel malbone parolis! (ekzemple, sur ŝipo sur Ĝeneva lago), ke mi petis paroli al mi en nacia lingvo“ [17].

Lago trafluata de Rejno en la trilanda regiono inter Germanujo, Aŭstrujo kaj Svislando: la kampara loĝantaro, sub la premo de mizeraj vivkondiĉoj, sendis […] lertajn masonistojn kaj konstrumajstrojn, pentristojn kaj aliajn metiistojn, kiuj konstruis la famajn barokajn katedralojn pli-malpli proksime de la Konstanca Lago [18]; subakve naĝi en la Bodenlago estas samtempe alloge kaj postuleme [19]; la Rejn-Akvofalo estas natura obstaklo, kiu interrompas la ŝipvojon inter la norda maro kaj la Bodenlago [20].

Granda lago en la centra Svisujo, c. 40 km sude de Zuriko, 70 km oriente de Berno: Svisa Espero […] raportas sufiĉe detale pri la klopodado starigi alian libertempejon en Meggen, vilaĝo situanta borde de la Kvarkantona Lago [21]. Lucerno

Lago sen elfluejo kun alta pH-valoro kaj granda kvanto de solvitaj mineraloj: la armeo de la kronprinco, malgraŭ la leviĝo de Nilo […] atingis la bordon de la dezerto kaj, provizita per akvo kaj nutraĵo, malaperis inter la montoj de Sodaj Lagoj [22].

Granda afrika lago lime de Kongo Kinŝasa, Tanzanio, Zambio kaj Burundo: la celebrado de ĉi tiu festo iĝis tradicia en Burundo ekde la eniro de islamo […] trans la Tanganjika Lago [23].

Lago ĉ. 130 km norde de Malviva Maro kaj kiun trafluas Jordano: li bone montris al mi ĉiujn sanktajn lokojn en Jerusalemo, min gvidis tra la tuta lando, ĝis la Tiberiada Lago [24]; la viroj, venantaj de l’ florantaj bordoj de Jordan kaj Galilea lago, ankoraŭ neniam vidis tian sovaĝan naturon [25].