kupr/o

^*kupro (Cu)

serĉi 'kupro'

[kupr.0o]

1.: [kupr.0o.KEM]; Ĥemia elemento kun atomnumero 29, atompezo 63,546; bruneruĝa peza transirmetalo, pli fandebla ol oro kaj malpli ol arĝento: kupro estas uzata precipe por elektraj kondukiloj, kaj en kunfandaĵoj kun stano (t.e. bronzo) aŭ zinko (t.e. latuno); forĝanto de diversaj majstraĵoj el kupro kaj fero [1]; faru stangojn por la altaro, stangojn el akacia ligno, kaj tegu ilin per kupro [2]; eĉ la plej lerta poŝoŝtelisto ne plu trovus kupreron ^MortulŜip.
2.: [kupr.0o.bronzo]; (arkaismo) Bronzo: jen estas la oferdono […]: oro kaj arĝento kaj kupro [3]; plej perfekte artiste farita porko el kupro [4]; sonorilo […] fandita el kupro, malmola kaj peza [5].

1. trad. L. L. Zamenhof: La Malnova Testamento, Genezo 4:22
2. trad. L. L. Zamenhof: La Malnova Testamento, Eliro 27:6
3. trad. L. L. Zamenhof: La Malnova Testamento, Eliro 25:3
4. H. C. Andersen, trad. L. L. Zamenhof: Fabeloj, vol. 1, Kupra porko
5. H. C. Andersen, trad. L. L. Zamenhof: Fabeloj, vol. 4, Sonorila profundo

serĉi 'kupra'

[kupr.0a]

1.: [kupr.0a.elkupro]; Farita el kupro: faru kvindek kuprajn hoketojn [6]; kupra reto [kun] kupraj ringoj sur ĝiaj kvar anguloj [7]; kupra lavujo [8]; ne havanta en la sako eĉ kupran utenon [9]; kupra monero [10].
2.: [kupr.0a.kolore]; Havanta koloron de kupro, brilan, brune ruĝan: kupra vizaĝo [11]; kupraj makuloj super la brovoj kaj sur la vangoj [12]. hararo

6. trad. L. L. Zamenhof: La Malnova Testamento, Eliro 26:11
7. trad. L. L. Zamenhof: La Malnova Testamento, Eliro 27:4
8. trad. L. L. Zamenhof: La Malnova Testamento, Eliro 30:18
9. B. Prus, trad. Kazimierz Bein: La Faraono, vol. 2, Ĉapitro 9a
10. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
11. Frederiko Schiller, trad. L. L. Zamenhof: La rabistoj, Akto Dua
12. B. Prus, trad. Kazimierz Bein: La Faraono, vol. 2, Ĉapitro 16a

serĉi 'kupristo'

[kupr.0isto]

: Metiisto kiu faras aĵojn, ekzemple kaldronojn, el kupro: lia patro estis […] kupristo, […] plena de saĝeco, kompetenteco, kaj sciado, por fari ĉian laboron el kupro [13]; Aleksandro, la kupristo, faris al mi multe da malbono [14].

13. trad. L. L. Zamenhof: La Malnova Testamento, I. Reĝoj 7:14
14. La Nova Testamento, II. Timoteo 4:14

serĉi 'flava kupro'

[kupr.flava0o]

: (arkaismo) Latuno, flava alojo el kupro kaj zinko: la kaldrono estis el flava kupro, sed brilis kiel oro [16].

15. L. L. Zamenhof: Fundamento de Esperanto, Universala Vortaro, flav'a kupr'o
16. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Neĝulino kaj Rozulino

serĉi 'kuproerco'

[kupr.0erco]

: Erco liveranta kupron: juna virino, laboranta por la prizorgado de la kemiaĵoj uzataj por tranformiĝo de kuproerco [17]. ĥalkogeno

17. Diversaj aŭtoroj: Le Monde diplomatique en Esperanto 2008-2010, Investo de Barato en Suda Afriko