²konvenci/o ^JED

konvencio

serĉi 'konvencio'

[konven1.0o]

1.: [konven1.0o.gxenerale]; Tio, kio estas starigita per esprimita aŭ neesprimita interkonsento ene de homgrupo, socio, t.e. regulo, kondutnormo kc: sociaj konvencioj (deco); ili baras al si la sanan naturon per sensencaj konvencioj [1]; seniĝi de la konvencioj kaj adaptiĝoj por momento ^LGA; rompanto de konvencioj ^KKr; la lingvo estas nenio alia ol iaspeca konvencio inter la personoj, kiuj ĝin uzas ^Ret; la klerika komitato […] elektis literumadon, kiu imitis la nekonsekvencajn kaj netaŭgajn konvenciojn de la skribita angla lingvo [2]. kutimo², tradicio, moro
2.: [konven1.0o.JUR]; Traktato ¹: konvencio gardanta la aŭtorajn rajtojn; la poŝta konvencio de Bern; validiĝis en 1978 la Konvencio de Barcelono por protektado de Mediteraneo [3]; la Konvencio de Vieno pri diplomatiaj rilatoj (1961) [4]; Cameron volas nuligi en Britio la eŭropan konvencion pri homaj rajtoj kaj ĝin anstataŭigi per brita ekvivalento [5].
3.: [konven1.0o.HIS]; Nacia eksterordinara asembleo (ekzemple por ellabori konstitucion): la Franca konvencio (1792–1795); 16 diversnaciaj konvencianoj el la plej granda politika forto de la Eŭropa Parlamento, la konservema Eŭropa Popola Partio, proponis adapti formulon el la pola konstitucio [6].

1. Frederiko Schiller, trad. L. L. Zamenhof: La rabistoj, Akto Unua
2. Monato, Garbhan MacAoidh: Engaĝiĝo ne mankas por savi la manksan
3. Monato, Renée Triolle: Ruĝaj ŝlimoj en Mediteraneo
4. Monato, Isikawa Takasi: Ja ekzistis diplomatiaj rilatoj
5. Monato, Paul Gubbins: Malpli malbonaj inter aliaj malbonaj
6. Monato, Istvan ERTL: Dio en la konstitucio, diablo en la detaloj

angle:: 1. convention, general usage 2. convention, agreement 3. convention
beloruse:: 1. канвэнцыя, пагадненьне 2. канвэнцыя, пагадненьне 3. канвэнт
ĉeĥe:: dohoda, konvence, konvenience, obyčej, smlouva, zvyklost, úmluva (mezinárodní)
ĉine:: 公約 [gōngyuē], 常規 [chángguī], 习俗 [xísú]
france:: convention
germane:: 1. Konvention, Übereinkunft 2. Abkommen 3. Konvent, konstituierende Versammlung
hispane:: 2. convención
hungare:: 1. koncenció, bevett szokás 2. államközi egyezmény 3. konvent, alkotmányozó nemzetgyűlés
japane:: 協定 [きょうてい], 取決め [とりきめ], 慣例 [かんれい], 慣習 [かんしゅう], 約束事 [やくそくごと], 党大会 [とうたいかい]
katalune:: 2. convenció
pole:: 1. konwencja
portugale:: 2. convenção
rumane:: 1. convenție
ruse:: 1. соглашение, условность (обычно во мн.ч.) 2. соглашение, конвенция 3. конвент
slovake:: dohoda, konvencia, zmluva

serĉi 'konvencia'

[konven1.0a]

: Rilata al aŭ rezultanta el konvencio: konvencia klaŭzo; la konversacio ne estis tute konvencia […], sub la vortoj de la viro ankoraŭ kaŝis sin la pagana faŭno ^LGA; mi ne alrigardis ŝin, nur aŭskultis la unuajn konvenciajn vortojn ^KKr; kelkfoje ŝi estas malpura, ĉar nia silenta interkonsento estas, ke inter ni ne ekzistas konvenciaj baroj ^KKr; konvencia militado estas kondukata per konvenciaj armiloj kaj batalkampaj taktikoj inter du aŭ pliaj ŝtatoj en malfermita konfronto [7]; la aŭtoro estas nekonata, kaj la atribuo al Salomono estas nur konvencia [8]; li certas, ke konvencia edukado pereigas la animon [9]. kutima, tradicia

7. Monato, Lenio Marobin: Minacas nova armado-konkuro
8. Monato, Carlo Minnaja: La Biblio nun estas (preskaŭ) kompleta
9. Monato, Donald Broadribb: Ne al ĉiuj plaĉos ĉi literatura gemeto