¹kolos/o ^JED

Grandega homo, statuo aŭ objekto: tia koloso kiel vi devus rompi la kranion de pli ol unu [1]; la Koloso de Rodoso apartenas al la sep mirindaĵoj de la antikva mondo [2]; vi estis sur Rodoso, por vidi la lokon, kie staris la koloso [3]? 26 arboj-kolosoj, la plej maljuna el ili havis la alton de ĉirkaŭ 150 metroj [4]; Moskvo[n…] ni devas […] liberigi de superloĝigo, sed vi kun via metropoliteno deziras fari el ĝi urbon-koloson ^Metrop ; koloso sur argilaj kruroj [5]; (figure) la leĝo kreis ankoraŭ neniun grandan homon, sed la libereco elkovas kolosojn [6]. giganto, titano

Havanta eksterordinarajn proporciojn aŭ ecojn: kolosa statuo, viro, urbo, entrepreno; Egipto jam posedis altan socian organizon, [kiu] konstruis kolosajn monumentojn [7]; tiel naskiĝis plano simpla kaj kolosa [8]; sur la monumento oni vidas Italujon, kiu montras al la kolosa statuo de Dante [9]; (figure) la kolosaj salmokoloraj rozoj sur la ŝultro de Stella estis tute depremitaj [10]; (figure) produkti iaspecan kolosan stultaĵon [11]; (figure) ankoraŭ antaŭ 50 jaroj inter la japanoj kaj eŭropanoj ekzistis ŝajne kolosa malsameco [12]. ega, mamuta, elefanta, giganta, titana