¹hipopotam/o

hipopotamo

serĉi 'hipopotamo'

[hipopo.0o]

: Genro el familio hipopotamedoj (Hippopotamus), granda dikhaŭta senhara mamulo, kun malaltaj kruroj, kiu vivas en riveroj kaj lagoj afrikaj: vidu la hipopotamon, kiun Mi kreis apud vi, herbon ĝi manĝas, kiel bovo [1]; la pentofarantaj Libianoj haltis antaŭ la princo, kiu de la ĉaro rigardis ilin, kiel severa hipopotamo anasidojn, kiuj nenien povas sin kaŝi de ĝia forto [2]; la danĝero de la hipopotamo ne malinstigis bubaĉojn ĵeti ŝtonojn en la akvon por aperigi la beston, kiu efektive blekis, grumblis kaj ŝprucigis akvon tra siaj naztruegoj, antaŭ ol denove enakviĝi [3].

hipopotamo (Hippopotamus amphibius) en rivero Zambezi, Zimbabvo
CC BY-SA 4.0 [4]

1. trad. L. L. Zamenhof: La Malnova Testamento, Ijob 40:15
2. B. Prus, trad. Kazimierz Bein: La Faraono, vol. 2, Ĉapitro XXI
3. Monato, Jean-Louis Madzella: Ĝua blekado
4. Bernard Gagnon, propra verko: https://commons.wikimedia.org/wiki/File:Hippopotamus_in_the_Zambezi.jpg

~o: Mankas verkindiko en fonto.