^*graved/a

Portanta idon en la utero: ŝi estas graveda de nur tri monatoj; (figure) nigraj nuboj gravedaj je pluvo (pretaj ellasi pluvon); (figure) decido graveda je multaj sekvoj; gravedeco.

graveda virino
PD  [1]

Stato de iu graveda: Pro droguzado de la patrino dum la gravedeco, kaj pro malfacila akuŝo, la infano estas cerbe kaj korpe tre kripla, kaj oni aŭguras al ĝi mallongan sensencan vivon [2].

Fari graveda: viroj gravedigas virinojn, por ke tiuj povu naski infanojn [3]; ĉu ne estis necese, ke via patro gravedigu vian patrinon por vin naski [4]? Anna naive diris al nobela sekvantino ke ŝi kredis ke kisoj sufiĉas por gravedigi virinon [5]; ekde la 60aj jaroj esploristoj uzis artefaritan ensemadon kaj aliajn metodojn por gravedigi kaj reprodukti la grandan pandon [6]. naskigi, patrinigi.

Fariĝi graveda: ambaŭ filinoj de Lot gravediĝis de sia patro [7]; monto gravediĝis, muso naskiĝis (grandioza peno, eta efiko)^PrV ; (figure) oni gravediĝas per malhonestaĵo, kaj naskas krimon [8]; (figure) tiu gravediĝis per malbono kaj naskis mensogon [9]. koncipi, naski, akuŝi.

Graveda persono: ĉe graveduloj [la manko de folia acido] povas kaŭzi misformadon de la embrio [10].