gal/o

^*galo

serĉi 'galo'

[gal.0o]

1.: [gal.0o.ANA]; Maldolĉa, verde flava sekreciaĵo de la hepato: ŝi konvulsiis kelkan tempon, fine elvomis iom da galo [1]; galo de drakoj estas ilia vino [2]; ili donis al li trinki vinon kun galo enmiksita [3].
2.: [gal.0o.PSI]; (figure) Kolero (ĉar antikve galo estis rigardata tiu el la korpaj fluaĵoj, kiu determinas koleran karakteron): [tiu] vidvino […] havis ĉiam cignan kanton en la buŝo kaj strigan galon en la koro [4]; bolado de la galo estis aŭdebla en lia trankvila, sed surda voĉo [5]; eĉ najtingalo ne estas sen galo (vortludo) ^PrV; ŝi ne povos akcepti tion sen galeksplodo [6].

1. H. Laxness, trad. B. Ragnarsson: Sendependaj homoj, 2007
2. trad. L. L. Zamenhof: La Malnova Testamento, Readmono 32:33
3. La Nova Testamento, Mateo 27:34
4. H. C. Andersen, trad. L. L. Zamenhof: Fabeloj, vol. 3, Bona humoro
5. I. S. Turgenjev, trad. Kazimierz Bein: Patroj kaj filoj, XXVI
6. J. Francis: La Granda Kaldrono, 1978

serĉi 'galveziko'

serĉi 'gala veziko'

[gal.0veziko]

: [gal.0veziko.ANA]; Parto de la hepato, en kiu kolektiĝas la galo: sekigitaj galvezikoj de ursoj vendiĝas altapreze kiel tradicia medikamento [7]; en popola kuracado la pomoj helpas kuraci malsanojn de la hepato kaj galveziko [8].

7. Monato, Isikawa Takasi: Ursoj mortigataj, 2014
8. Monato, Julius Hauser: Simbolo de juneco, 2014

serĉi 'galdukto'

[gal.0dukto]

: [gal.0dukto.ANA]; Ajna el pluraj kanaloj, kondukantaj la galon en la duodenon, kaj precipe la ĉefkanalo en kiun ili arbece kuniĝas: perturbiĝas la cirkulado de sango […] kio kaŭzas […] perturbiĝon de la funkcio de galdukto kaj digesto [9]; la relative malgrandaj ovoj atingas la inteston laŭlonge la eksterhepatan grandan galdukton (Ductus choledochus) kaj estas eligataj per la fekaĵo [10].

9. -: San-protektado en printempo, El Popola Ĉinio, 1998:3
10. R. Sachs: Medicina Parazitologio , Scienca Revuo, 2001, printempo