^*dors/o ^UV

1.

[dors.0o.ANA]

Malantaŭa parto de la homa korpo, de ŝultroj ĝis pelvo: sekreta mortigado de post la dorso [1]; viajn malamikojn mi turnos al vi dorse [2]; li demetis de la dorso (post porti ĝin surdorse) la tablon, starigis ĝin antaŭ sin kaj diris: Kovru vin! [3]; bastonoj, kiuj falis sur mian dorson (batante) [4]; vojkamarado rompis siajn tri vergojn sur la dorso de ambaŭ [5]; (figure) malsati tiel, ke lia ventro enfalis ĝis la dorso [6]; (figure) la eksa ĉefministrino […] turnis la dorson (montris sian senintereson, malŝaton) al la politika mondo kaj akceptis postenon ĉe la brita universitato Oksfordo [7]; (figure) Snitchey lin trompas post la dorso (perfide, kaŝe) [8]. draŝi

2.

[dors.0o.ZOO]

Supera parto de la korpo de bestoj, de kapo ĝis postaĵo: la kato ĝibigis la dorson; ili forportas sur la dorso de junaj azenoj siajn riĉaĵojn [9]; la skarabo [...] falis sur la dorson kaj baraktis per la piedetoj [10]; la bastono, levita super la dorso de l' bruto aŭ sklavo [11]; Elinjo-fingreto […] sidiĝis sur la dorso de la birdo [12]; ĉerpante akvon [ŝi] ekvidos la tuberoplenan dorson de l' krokodilo [13]; (figure) la vespero alvenis sur la dorso de facila, malvarma vento [14]; ŝi ĵus rajdis trans senarbarejon, kiam la terurulo […] levis ŝin de la dorso de la virinĉevalo kaj tiris ŝin kun si [15].

3.

[dors.0o.malantauxa]

(figure) Malantaŭa parto de objekto, kontraste al fronto: dorso de klingo, de libro, de mano, de folio; metu gluon […] sur la dorson de la afiŝo [16]! la dorso de la altaro [17]; antaŭ ĉiu benko altiĝas la dorso de alia benko [18]; mi […] ekfumis, rektiĝante kaj min apogante al la seĝdorso [19]; kontroli ĉu [la kablo] estas bone konektita al la dorso de via komputilo [20]; li tuŝis la ringon kaj turnis la ŝtonon ĝis la dorso de la mano [21]. reverso

4.

[dors.0o.kurba]

(figure) Supera kurba parto de kuŝanta objekto: la potenca dorso de la Andoj [22]; lia kunulo kuris preskaŭ kvaronon da horo sur la ŝtonega dorso de la monteto [23]; mi kuŝis sur la dorso de la ondoj kaj naĝis ^FdO ; la barko de Duponto, sublevita sur dorso de grandega ondego, […] laŭ litere min kolektis pasante [24].

[dors.0al0e.KOMUNE]

Duope, kun dorso turnita al la alia kaj rigardante en malaj direktoj: ŝia patro diris nenion, kaj ili sidis dors-al-dorse sur la malseka ŝtono [25]. frontalfronte

[dors.0en.KOMUNE]

Returnen: la anasoj iris dorsen kaj puŝis unu la alian [26]; la ministo apogis sin dorsen [27]; li ŝanceliĝis dorsen kaj falis [28]; Bastjano kuŝigis sin dorsen kaj fermis la okuloj [29]; rigardi kun dorsen klinitaj kapoj supren en la noktoĉielon [30].

Dorsen: li turniĝis dorse al la kasejoj kaj al la proksimiĝanta virino, kaj ekmarŝis [31].

(prepoziciaĵo)

[dors.0e_de.KOMUNE]

Malantaŭ, en la dorsa direkto de: dorse de ili ondiĝis servista rumoro [32].