⁴valid/a

Prezentanta la necesajn kondiĉojn postulatajn por regule efiki: valida bileto, testamento; laŭ la nun valida Regularo, la belartaj konkursoj de UEA havas la celon evoluigi la diversajn artobranĉojn en la Internacia Lingvo [1]; ĉar estis ‚meksika eksedziĝo‘, ĝi ne estis rigardata valida en Eŭropo [2]; grava regulo, valida por ĉiuj oratoroj […] estas nepre observinda: oni ne parolu sen preparo [3]; tiu divido, kvankam tre taŭga kaj ankaŭ hodiaŭ valida por analiza studo de la parolado mem, ŝajnas tamen ne sekvinda, ĉar ne sufiĉe kompleta [4]; la lingvaj reguloj de San-Francisko restu validaj ĝis oni decidos alie [5]; tio estas valida argumento ankaŭ pri justo kaj maljusto [6]; li aŭdis ĝin en la […] sole valida prononco [7]; 25 membroj povas aliĝi laŭ la nun valida Statuto [8]; la nomigo aŭ elekto fariĝas valida nur se, en tempolimo de 60 tagoj post la apero de la informo, neniu membro protestas [9]; la voĉdonado finiĝis […], entute estis 16 885 validaj voĉoj [10].

(ntr)

Esti laŭregula kaj aplikebla por la intencita situacio; plenumanta ĉiujn necesajn kondiĉojn por esti valida: tiu regulo, kompreneble, havas esceptojn, sed principe ĝi validas [11]; oni deklaris ilin malamikoj […] kaj la edikto kontraŭ ili daŭre validis [12]; la disponpermeso pri klasĉambro en la popola lernejo ankoraŭ validis, kaj iun vesperon la klubanoj kolektiĝis tie [13]; pri la instruado de Esperanto en lernejoj validas decido de la landaj Kulturministroj de 1954 [14]; kio validas por ĉiu ajn artobranĉo, validas ankaŭ por la parolarto [15]; kelkaj retorikaj principoj validas por ĉiuj specoj de paroladoj [16]; la valoroj kutime akceptitaj aliloke ne validis ĉi tie [17]. aplikiĝi

La stato kaj kondiĉoj de io esti valida: ekzameni la validon de tiu supozo [18]; la Akademio de Sciencoj per oficiala deklaro konfirmis la pluan validon ekskluzivan de la teorioj [19]; oni ne scias pri deven’, kutimoj ⫽ sufiĉas valideco kaj stampo [20]; pri la valideco de la nomigo aŭ elekto decidas la prezidanto [21]; la originaj CC-rajtigiloj estis bazitaj sur usona leĝaro kaj ne nepre havas juran validon en aliaj landoj [22].

Ne plenumanta la kondiĉojn de valideco: nevalidaj por la konkurso estas verkoj jam aperintaj [23]; la referendumo [finiĝis] per 56 % kontraŭ, nur 42 % por kaj 2 % da blankaj aŭ nevalidaj voĉoj [24]; 10 balotiloj estis malvalidaj [25]; la parlamentestro deklaris la voĉdonadon senvalida [26].

Rim.: La formo „senvalida“ estas komprenebla kiel kunderivita adjektivo el „sen valid(ec)o“, tamen la formoj „nevalida“ aŭ „malvalida“ ajnas pli klaraj.

Per deklaro aŭ forigo de necesa kondiĉo forigi la validecon de io: li certe sukcesos malvalidigi la punon – li ja […] povos klarigi la situacion [27]; [fine] eŭropa kasacia tribunalo malvalidigos la leĝon [28]; diversnaciaj pentristoj prezentas Kriston tute malsame, kaj sekve tiuj prezentoj senvalidigas unu la aliajn [29]; ene de nigra truo, ni ankoraŭ ne scias, kiel venki la nuntempe konatajn internajn sinkontraŭdirojn, sed tio senvalidigas nek la kvantumfizikon, nek la ĝeneralan relativecon [30]. kasacii, nuligi¹, senvalorigi

(ntr)

Ne plu validi pro kadukiĝo, pro paso de iu templimo: la negocistan atestilon necesis regule renovigi, alikaze ĝi malvalidiĝis [31]; la restadpermeso de tiu flegistino senvalidiĝos post ses monatoj [32]; mi sugestas ke oni akiru malnovajn filmojn kies kopirajtoj eksvalidiĝis [33].