^*proverb/o

Popoldiro esprimanta, ofte en vortfiguro, konsilon aŭ konstaton taŭgan por iu situacio: la popoldiroj (proverboj) esprimas la saĝon de l' popolo, kaj la popolrakontoj (legendoj) esprimas ĝian kredon [1]; „nek eterne daŭras la ĝojoj, nek senfinaj estas la malĝojoj“, diras rusa proverbo [2]; ĉu vi aŭdis iam la proverbon: severaj mastroj ne regas longe […] nu, tio estas holanda proverbo [3]? „trankvilaj akvoj estas profundaj“, diras proverbo germana, kaj modesteco ofte kaŝas firman certecon [4]; kiel diras antikva proverbo: de malpiuloj eliras malpiaĵo [5]; Mi ekstermos Izraelon […] kaj Izrael fariĝos proverbo kaj moko inter ĉiuj popoloj [6]; jen ĉiu proverbisto diros pri vi proverbon: kia la patrino, tia la filino [7]; en ĉi tio estas vera la proverbo: unu semas, alia rikoltas [8]; proverbo estas sperto, proverbo estas averto ^PrV .

1.

Rilata al proverbo: estis do la iniciatinto de la esperantaj lingvo kaj literaturo mem, kiu […] lanĉis per la multinflua Proverbaro esperanta la ĝenron de esperantaj proverbaj kolektoj [9].

2.

Konata kvazaŭ proverbo: la proverba timo de leonoj, tigroj, elefantoj kaj aliaj grandaj bestoj antaŭ simpla muso [10]; la proverba fideleco de hundoj; li plurfoje aŭdis pri la proverba avareco de la loĝantaro [11]; la delegitaro laŭte ekridis kaj la malĝustatempa ekparolo fariĝis proverba [12].