prioritat/o ^PIV1

1.

Unua en laŭgraveca vicordo de farendaĵoj; rajto pli forta ol tiu de aliaj: ekde nun ricevos prioritaton (neglektata) en-, ne ekster-landa politiko [1]; milita taglibro de Paul Gubbins havas prioritaton kaj tiel eble forrabas spacon, kiu estus je dispono por artikolo pri lingvo de eta etno [2]; idiota kutimo kaj regulo estas tiu pri la „prioritato”: se oni hazarde malkovras en la arĥivoj nomon pli antikvan, ol tiu kiu ĝis nun estas uzata, tiu ĉi lasta devas malaperi kaj cedi lokon al la antikvulo [3]; Esperanton mi bedaŭrinde ankoraŭ ne regas, sed tio estas unu el miaj lingvaj prioritatoj en proksima estonteco [4]; ni estas toleremaj rilate ajnan seksan inklinon, tamen ni donas prioritaton al tradiciaj familioj kaj strebas propagandi familiajn valorojn [5]; tio […] donis al li la rajton ne disiĝi de la menciita muro, por cedi prioritaton al iu ajn [6]. prefero

2.

Grado en laŭgraveca vicordo: la redakcia sekretario sidas antaŭ amaso da artikoloj kun prioritato 1, sed […] ne por ĉiuj estas loko en la aktuala numero [7]; prioritato: 2 [8]; prioritato: 3 [9].

antaŭeco

Unue konsiderenda, unue farenda: prioritataj taskoj [10]; per la enspezoj oni unue repagas la prioritatajn kreditorojn: impostojn, socian asekuron, dungitojn [11]; la prioritata atento estis direktita al la ekonomiaj avantaĝoj de la internacia kunlaboro [12]; vole nevole, la lernado de la angla kondukas al prioritata intereso pri la nord-amerika kulturo kaj ideologio [13].

Kun antaŭrajto, kun pleja graveco: li instruu prioritate la turkajn lingvon kaj skribon [14]; se homoj daŭre sin ĵetas de sur klifo, ne indas prioritate okupiĝi pri la kadavroj [15].

1.

(ntr)
Esti plej grava, prioritata: prioritatas la riparado de la difektita medio [16]; inter 31 tekstoj prioritatas 11 [17]; por burundanoj prioritatis paco, sekureco, libereco, justeco kaj demokratio [18].

2.

(tr)
Difini kiel plej grava; prioritatigi: oni […] prioritatu la tradukon de ĉiuj gravaj dokumentoj al tiuj lingvoj [19].

(tr)

Elekti kiel unue atentindan, farendan: ĉu unue certigi militan venkon kontraŭ la reakciularo aŭ prioritatigi la revolucion? [20]; [ili] ne agas en ĉi tiuj kampoj pro la neceso prioritatigi kaj pro la konsidero, ke aliaj neregistaraj organizaĵoj jam aktivas specife en tiuj kampoj [21]; la hispanaj investoj por disvolvado ĉiam prioritatigis Sud-Amerikon, anstataŭ la najbarajn sudajn landojn [22]. preferi