^*medit/i ^PV

Longe pensi, fiksante kaj koncentrante sian atenton; enprofundiĝi en pensado: stomako malsata nur pri pano meditas ^PrV ; atendis, meditis, ĝis en tombon englitis ^PrV ; la fidela servisto longe meditis, kion fari [1]; mi meditis, por kompreni ĉi tion, sed ĝi estis malfacila [2]; li ne primeditas en sia koro, ne havas scion nek komprenon [3]; la jura konsilisto apogis sian kapon sur la mano, profunde spiris kaj meditis pri la tuta strangaĵo, kiun li vidis ĉirkaŭ si [4]; li ... reiris al sia ĉambro por mediti sian paroladon al la ĵurio [5]. absorbi, cerbumi, enpensiĝi, pripensi

1.

Meditado: kontraŭ faro farita ne helpas medito ^PrV ; ĉu de la asketa vivo, ĉu de la kunestado kun la saĝaj pastroj, ĉu eble de la longaj meditoj, la princo ŝanĝiĝis [6]; ĉe ĉiuj tiuj meditoj mi forgesis la tempon kaj horon [7].

2.

Meditaĵo, temo, kiun oni pripensas: la maljunulo per ĉiuj siaj pensoj kaj meditoj alkroĉiĝis al sia mono [8]; fremda medito estas kaŝita ^PrV .

Longa, absorba pensado: dum meditado pri la vizioj de la nokto, kiam profunda dormo falas sur la homojn, atakis min teruro kaj tremo kaj ĉiuj miaj ostoj eksentis timon [9]; apud la tablo, kovrita de geografiaj kartoj, sidas en profunda meditado la granda admiralo de Hispanujo, Kristoforo Kolumbo [10].

Momente aŭ karaktere inklina al pensado, al medito: mi kantos al vi, por ke vi fariĝu gaja, sed samtempe ankaŭ meditema [11]; profunde enpensa kaj meditema li estis, kaj tial li denove rememoris la tri nuksojn, kiujn li kiel infano ricevis de la ciganino [12]; Anno-Doroteo, ... nur dekkvarjara infano, estis silentema kaj meditema [13].

Kiu estas profite pripensinda: 90 % de ilia valoro estas ne la laboro por krei ilin, sed por kredigi al la uzantoj, ke ili estas normaj […] meditinda por esperantistoj, ĉu ne [14]? itala leganto laŭdis, ke ‚Sovaĝa Herbaro‘ estas verko kun humaneco kaj eduka signifo, kaj ĝia granda lerteco de verkado estas meditinda [15].