^*horloĝ/o

Aparato por mezuri la tempon kaj montri la horojn: li havis la senton, kvazaŭ la mondo estas unu granda horloĝejo, kie ĉiuj horloĝoj batas „tik, tak“, ĉiuj turhorloĝoj sonas „bam, bam“ [1]; suna horloĝo ^PV (vidu ĉe sunhorloĝo); sablohorloĝo [2]; ĉu vi jam trovis vian horloĝon? [3]; la horloĝo sonis la naŭan horon ^Marta ; estis Silvestra vespero, jen la horloĝo batis dekdu [4]; mia horloĝo montras la dekan; streĉi horloĝon; li ne trovis nur la plej junan, kiu sin kaŝis en la keston de la horloĝo [5].

Sud-hemisfera stelfiguro (Horologium): NGC 1025 estas galaksio en konstelacio Horloĝo [7].

Homo, kiu fabrikas aŭ zorgas la horloĝojn: la giganta horloĝo antaŭ la butiko de la horloĝisto, montris precize la saman tempon [8]; Via murhorloĝo haltis kaj vi intencas ĝin porti al horloĝisto [9].

Horloĝo montranta tempopason laŭ konstanta fluo de akvo en ujon: la antikvaj civilizoj konis jam diversajn speciojn de horloĝoj, Vitruvio parolis pri akvohorloĝo aŭ klepsidro, pri aliaj el aero (vento), el suno [10]; akvohorloĝo de Luterbach [11]. klepsidro

Horloĝo kalkulanta tempon el atomreakcioj: laŭ la atoma horloĝo la rotacio de Tero fariĝas iom post iom malrapida [12]; atomhorloĝoj troviĝas ankaŭ en satelitoj [13].

Brakhorloĝo: la ora bracelethorloĝo kuŝis antaŭ ŝi apud la skatoleto [14].

Eta meĥanika horloĝo portata ĉe la pojno danke al ĉirkaŭtena rimeno: mi iris por riparigi mian brakhorloĝon [15]; li ne surhavis brakhorloĝon, sed ankoraŭ ne povas esti la dekkvina horo. [16]; radiregata sunbateria brakhorloĝo [17]. bracelethorloĝo

Horloĝo kun butonoj, kiuj startigas, haltigas, kaj renuligas la montriletojn, por mezuri la ekzaktan daŭron de io: mi mezuris per klikhorloĝo ĝian mekanikan reflekson [18]; li kuris per stophorloĝo en la mano dum la trejnadoj por precize dividi la forton [19]; mi vidis viron starante en arbeto, tie, kun klikhorloĝo en la mano [20]; unu ludanto kalkulas kvardek sekundojn per klikhorloĝo [21]. kronometro

Horloĝo penda sur muro aŭ vando: lia koro forte batis, kaj tik-takis kiel murhorloĝo [22]; ĝis la mura horloĝo en la loĝejo [...] sonos la naŭan horon ^Marta .

Eta meĥanika horloĝo portebla en poŝo, ofte fiksita per ĉeneto al vesto: la nekonato […] eligis grandan oran poŝhorloĝon kun brilianta triangulo sur la kovrilo [23]; difektita poŝhorloĝo troviĝis en la poŝo de lia piĵamo [24].

Horloĝo montranta tempopason laŭ la konstanta ŝutiĝo de sablo tra funelo: oni povas ankoraŭ vidi sur [la tomba ŝtono] sablan horloĝon kaj pecon de anĝelo [25]; en la tendo ekregis tia silento, ke oni povis aŭdi la erojn, falantajn en la sablohorloĝo [26].

Horloĝo montranta tempopason laŭ la pozicio de sunluma ombro de stango sur plato: baroka konstruaĵo el la dua duono de la 18-a jarcento kun bela terasĝardeno kaj pordego ekipita per sunhorloĝo [27]; en 1817 cirklaj ŝtonoj estis aro por marki la pinton de la ombro de la obelisko tagmeze, kiam la suno eniras sur ĉiuj de la ĉielsignoj de la zodiako, igante la obeliskon giganta sunhorloĝo [28].

Horloĝo kun sonorilo por veki: jen grincas la vekhorloĝo; Ŝi havis vekhorloĝon, kiu ĉiumatene vekis ŝin tre frue. [29]; Tiktakadis vekhorloĝo sur la kamenbreto en la loĝĉambro [30].