¹geologi/o

1.

Scienco, kiu studas la solidan ŝelon de la tero kaj la fenomenojn rilatantajn al ĝia konsisto: sinsekve ŝi komencis la studadon de hispana lingvo, flamenka gitaro, franca lingvo, geologio, arkeologio, ktp, sed neniam finis iun ajn el la kursoj [1]; en kelkaj lernejoj kaj universitatoj sub konservativa religia influo oni nun apenaŭ povas rekte instrui geologion, astronomion aŭ paleontologion [2]; li tamen interesiĝas ege pri iu ajn scienca temo, precipe geologio (tertremoj, maro, vulkanoj) kaj astronomio [3].

2.

Scio eltrovita per tiu scienco: la migrantoj ekkonu la flaŭron, faŭnon kaj geologion de tiu parko, kiu apudas la italan nacian parkon Granda Paradizo [4]; oni povas ĝui desegnofilmojn, kiuj prezentas la geologion kaj historion de la marĉoj [5].

Fakulo pri geologio: Steingrímur Jóhann Sigfússon estas islanda geologiisto kaj politikisto [6]. geologo.