¹doz/o ^PV

1.

Difinita kvanto de medikamento: mi rapidis hejmen kaj prenis grandan dozon da ĥinino [1]; en la malantaŭa angulo vi trovos flakoneton kun la ĝusta dozo da kuracaĵo por vi [2]; laŭ d-ro Kagan, kiu kalkulis laŭ la dozoj, li ne povis resti konscia [3].

2.

(figure) Difinita kvanto de io: ŝi prenis el ŝranketo botelon kaj provizis glason per impresa dozo da viskio [4]; supraĵa konado de la arto […] posedas kelkan valoran signifon en salonoj, [se] spicante ĝin per certa dozo da ĉarmo, poezio, festeco ^Marta ; ŝi tamen posedis sufiĉan dozon da prudento kaj da klereco, por kompreni la malaltecon de tiu ŝtupo de homa laborado, sur kiun ŝi malleviĝis ^Marta ; li pli ŝatis gradigi la dozojn kaj nur veki sian sciemon, ne intervenante tro peze [5]; ĉe plej malgranda dozo da honesteco kaj bona volo ĉiu povas facile praktike trakontroli [tion mem] [6].

(tr)

Mezuri kaj prepari la ĝustan kvanton de iu medikamento: kutiminte dozi la kaĉon, ili ĉie vidas kaĉerojn [7]; prudente dozi antibiotikojn [8]; (figure) ni riskas ne uzi tiun avantaĝon, se ni tro forte dozas la materialon kaj „bebumas“ la lernantojn [9]; (figure) necesas dozi alikvante kaj alidirekte la utiligon de la novaj teknologioj [10]. almezuri, gradigi, porciumi

Tro granda dozo, eventuale danĝera: la kuracisto mortigis sin per superdozo da dormigilo [11]; en la aĝo de 36 jaroj ŝi mortis pro trodozo da dormigiloj [12]; (figure) la artistoj ja estis tre, tre bonaj, sed ĉiuj programeroj estis en si mem plenaj koncertoj, do, estis superdozo, kaj homoj tediĝis [13].