^*anser/o

^*ansero

1.: Genroj el la familio anasedoj (Anser, Branta k.a.): pif, paf! eksonis subite krakoj, kaj ambaŭ sovaĝaj anseroj falis senvive en la kanaron, kaj la akvo fariĝis ruĝa de sango [1]; komence anseraro, blankaj cignoj velas [2]; celi anseron, trafi aeron ^PrV; ĝi tuŝas lin, kiel akvo anseron ^PrV.

Kanada ansero, ĉe Burnaby Lago, Brita Kolumbio
CC BY-SA 2.5 [3]
2.: Kortobirdo, deveninta de la specio Anser anser: fordoni anseron, por ricevi paseron ^PrV; plej bonguste vaporis rostita ansero, farĉita per prunoj kaj pomoj [4]; ili faris la interŝanĝon: la ŝosea impostisto ricevis la anseron, kaj la vilaĝano la kokinon [5].

Korta ansero, Tasmanio, Aŭstralio
CC BY-SA 3.0 [6]
3.: (figure) Malsaĝa homo: malsaĝa ansero, diris la krimulino, la truo estas granda, mi mem povus eniri, kaj ŝi metis la kapon en la fornon [7]; nur gardu vian langon, vi impertinenta ansero [8].

1. H. C. Andersen, trad. L. L. Zamenhof: Fabeloj, vol. 2, Malbela anasido
2. Adam Mickiewicz, trad. Antoni Grabowski: Sinjoro Tadeo, Libro III.
3. fotita de Alan D. Wilson kaj prilaborita de Diliff: https://commons.wikimedia.org/wiki/File:Canada_goose_flight_cropped_and_NR.jpg
4. H. C. Andersen, trad. L. L. Zamenhof: Fabeloj, vol. 2, Knabineto kun alumetoj
5. H. C. Andersen, trad. L. L. Zamenhof: Fabeloj, vol. 4, Kion la patro faras, estas ĉiam ĝusta
6. Noodle snacks, propra verko: https://commons.wikimedia.org/wiki/File:Domestic_Goose.jpg
7. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Haĉjo kaj Grenjo
8. Hans Weinhengst: Tur-Strato 4, Fadedpage

~o: Mankas verkindiko en fonto.
~oformaj: Mankas fontindiko.
~oformaj: Mankas fonto, kiu estas nek vortaro nek terminaro.