agent/o

agento

: Persono, kiu estas daŭre komisiita de iu por fari ion: komerca, diplomatia, gazetara agento; se vi bone pagos al ili kaj donos al ili esperon de ankoraŭ pli granda profito, ili estos bonegaj agentoj [1]; rondiris multe da agentoj provokantoj [2]; agentoj oficialaj disvastigis ĉie rakontaĵojn, suspekton, kaj eksciton ^VivZam; li korespondas telegrafe kun ĉiuj agentoj ^DL; sekurecaj agentoj [3]; li fariĝu ŝia elektoagento [4].

1. B. Prus, trad. Kazimierz Bein: La Faraono, vol. 1, Ĉapitro XVIII
2. B. Prus, trad. Kazimierz Bein: La Faraono, vol. 3, Ĉapitro XVI
3. Garbhan MacAoidh: Kontraŭ Bush, ne kontraŭ Usono, Monato, 2004/10, p. 10
4. Garvan Makaj: La mallonga politika kariero de Hortensia Kvinke, Monato, 2007/10, p. 8

: Oficejo regata de unu aŭ pluraj agentoj: teatra, luiga agentejo; turismaj agentejoj [5]; pluraj vojaĝagentejoj en Kosovo entreprenas la loĝigon […] en la plaĝoj de Albanio [6]; la meteologia agentejo klasifikas 13 el la 86 aktivaj vulkanoj „plej aktivaj kaj ĉiam observendaj“ [7]; ĉiuj agentejoj kaj redakcioj de aliaj gazetoj konfirmis, ke ili ne sekvos la vojon de la elitula ĵurnalo en Frankfurt [8]; la novaĵ-agentejoj informas, ke Alkaido diskonigis, ke ĝi respondecas pri la madridaj atencoj [9]; la eŭropa patentagentejo ne estas organo de Eŭropa Unio, sed pure interŝtata organizo [10]; argumentoj[n…] liveris la reklamagentejoj [11]; muzika eksportagentejo [12]; raporto de agentejo de Unuiĝintaj Nacioj pri homa evoluo [13]; konsiloj de agrokultur-agentejoj [14].

5. Wim de Smet: La „drakoj” de Komodo: Gigantaj bestoj sur izola insulo, Monato, 2000/06, p. 18
6. Bardhyl Selimi: Vojaĝimpresoj, somero 2002: Kosovo antaŭeniras, Monato, 2003/01, p. 21
7. HORI Jasuo: Erupcias maltrankvilo, Monato, 2000/12, p. 16
8. Maul Stefan: Reform-fiasko, Monato, 2000/11, p. 12
9. Hektor Alos i Font: Kronologio de kanajla mistifikado, Monato, 2004/05, p. 10
10. Marko Naoki Lins: Patentoj, Monato, 2003/07, p. 26
11. Bo Sandelin: Svedoj balotis kontraŭ eŭro, Monato, 2004/01, p. 10
12. Marko Naoki Lins: Germana muzikkvoto por la radio, Monato, 2004/12, p. 25
13. Marko Naoki Lins: Kultura riĉeco kiel ŝanco, Monato, 2005/03, p. 9
14. Sagbadjelou Kokou/pg: Pro pluvo plu, Monato, 2005/06, p. 10

^IKEV

: Peranto de asekura kompanio: [li] naskiĝis kiel filo de asekura agento [15]; venis agento de asekura kompanio por demandi ĉu li ne volas asekuri sian vivon, tiel ke liaj edzino kaj infano havu ion, se io okazos [16].

15. Vikipedio, George Joseph Smith
16. Johan Hammond Rosbach: La feliĉo, literaturo.org

: Sekreta agento, kiu samtempe laboras por du malsamaj regnoj, perfidante unu aŭ ambaŭ: la britoj konsideris oportune dungi duoblan agenton kiu estos tre utila por misinformi la naziojn [17].

17. guillem p.: inter oportunismo kaj idealismo, 2012-06-05

: Persono, kiu estas komisiita por realigi komercajn negocojn: li kontentiĝas per tio, ke li la internaĵon de la komerca agento vundas [18].

18. Karel Polaĉek: Vojaĝaj komizoj kaj asekuraj agentoj

^CCT

: Peranto, kiu faras kontraktojn laŭ komisio kaj je konto de aliuloj sub sia propra nomo aŭ sub tiu de sia firmao.

: Spiono: ekde junio 1932 Nikolaj agis kiel speciala sekreta agento de OGPU NKVD [19]; la aliancanoj retiriĝis kaj revokis el Vieno multajn sekretajn agentojn [20]; okazis interŝanĝo de sekretaj agentoj inter Usono kaj Rusio [21].

19. V. Opletajev: Fremdaj lingvoj en la vivo de Nikolaj Kuznecov, REGo, 2010-04 (57), p. 5a-9a
20. Monato, Evgeni Georgiev: Malsekretaj sekretoj, 2010
21. Evgeni Georgiev: Malsekretaj sekretoj, Monato, 2010/10, p. 12