vegan/o

Homo kiu evitas kiel eble ĉiajn formojn de ekspluato kaj krueleco al bestoj, ĉu por manĝaĵo, ĉu por vestaĵoj, ĉu por iu ajn alia celo: sciencistoj volas studi kvaliton de la lakto de veganinoj, kiuj mamnutras[1]; plie Nori alportis multajn ĉinajn nudelojn kun supo por veganoj[2]; mi fariĝis vegano en Julio pasintjare[3]. vegetarano.

Konforma al doktrino ne ekspluati aŭ kaŭzi kruelecon al bestoj: ĉu la vegetara kaj vegana nutraĵoj disponigas al la homo sufiĉe da proteinoj? [4]; ili sen scio asertas stultaĵojn pri Esperanto, pri vegana manĝaĵo [5]; la veganaj kondomoj ne havas kazeinon, kio estas laktoderivaĵo, ĉar la vegana filozofio malakceptas ajnan bestan ekspluatadon [6]. vegetara.

Vivmaniero per kiu oni evitas kiel eble ĉiajn formojn de ekspluato kaj krueleco al bestoj: aperas pri vegetarismo kaj veganismo multaj publikigaĵoj [7]; veganismo estas ofte konata kiel pura aŭ radikala vegetarismo [8]. vegetarismo.