tropik/o

^*tropiko

serĉi 'tropiko'

[tropik.0o]

1.: [tropik.0o.GEOD]; Ĉiu el la du cirkloj de latitudoparaleloj, je 23˚ 27' 27" de la ekvatoro: en la nord-okcidenta ekstremo de Argentino, iom sude de la tropiko de Kaprikorno, estas unika fervojlinio [1].
2.: [tropik.0o.regiono]; La geografia regiono inter tiuj du cirkloj: morgaŭ li jam estos ĉe siaj filo kaj estonta bofilino en la tropikoj, ĝuos puran aeron, puran akvon [2].

1. Monato, Marta Solís: Unika fervojo en Andoj, 2005
2. Monato, Franz-Georg Rössler: Kuracbaneje, 2004

serĉi 'tropika'

[tropik.0a]

: Rilata al la intertropika regiono: tropika klimato; tropikaj kreskaĵoj [3]; la tropika arbaro [4]; ekspedicianoj mortis kaŭze de tropikaj malsanoj – malario, disenterio, flava febro [5]; la suno tropika tiel bronzumis lian vizaĝkoloron ke li estis nun vere nerekonebla [6]; subite, kiel okazas en tropikaj regionoj, fortega pluvtorento ekbatis la grundon [7]; filodendro – planto devenanta el ekvatora kaj tropika Ameriko [8].

3. Ludoviko Lazaro Zamenhof: Fundamenta Krestomatio de la lingvo Esperanto, Fundamenta Krestomatio de la lingvo Esperanto
4. Monato, Christian Fabossou: Komuna vizo, 2003
5. Monato, Vladimir Lemelev: Afriko kaj aidoso, 2004
6. Henri Vallienne: Kastelo de Prelongo, Ĉapitro Dekoka
7. Johán Valano: Ĉu ni kunvenis vane?, 17
8. Johán Balano: Ĉu ŝi mortu tra-fike?, Glosaro

serĉi 'subtropiko'

[tropik.sub0o]

: Unu el la du geografiaj regionoj norde kaj sude de la tropiko ĝis proksimuma latitudo de 40°: arbarigo de duonsekaj regionoj en la subtropikoj kaj de dezertoj [9].

9. Monato, Werner Fuß: Verdigu la dezertojn!, 2011

serĉi 'subtropika'

[tropik.sub0a]

: Rilata al subtropiko: konservado de subtropika arbaro sur la orienta flanko de la Antaŭ-Andoj [10]. mediteranea

10. Monato, Marta Solís: Unika fervojo en Andoj, 2005