talib/o

Ano de islama politika movado en Afganio, kiu originis en Kandaharo en 1994: en 1996, la Taliboj (la „studentoj“) venkis Afganion; rajtoj de ordinaraj homoj en Afganio estas nun same neglektataj kiel sub la taliboj [1]; dum la sovetia okupado de Afganio Usono subtenis ekstremfanatikajn talibojn, sed poste ĝi subigis la malhomecan reĝimon de la talib-movado [2]; invado de usonaj soldatoj kaj iliaj aliancaj trupoj kondukis al forpelo de la taliba reĝimo, sed nun stagnas rekonstruado kaj sekurigo de la lando [3].

Rim.: „ṭālibān“ estas la persa pluralo de „ṭālib“, do la foje renkontata duoble pluraligita formo „talibanoj“ verŝajne baziĝas sur miskompreno: militi kontraŭ talibanoj [4].