¹sport/o ^JED

[sport.0o.SPO]

Korpaj aŭ mensaj ekzercoj aŭ ludoj celantaj disvolvon de fizika lerteco kaj samtempe amuzon aŭ vetbatalon: ili ludis „enlitiĝo“, ĉar la okazo ŝajnis aparte favora por tiu sporto, ili rampis sub la fojnon, kaj tiris peceton de ĉifona kurteno sur sin kiel kovraĵeton [1]; multaj personoj aliĝas al la esperantismo pro simpla scivoleco, pro sporto, aŭ eble eĉ pro atendata profito [2]; golfludo estas pli-malpli universala sporto, kiun influas nek vetero, nek latitudo [3]; skii sen neĝo ― tion provis 80 entuziasmuloj pri vintra sporto meze de la somero en la litova ĉefurbo Vilnius [4]; sumoo havas longan historion kaj estas rigardata kiel nacia sporto en Japanio [5]; sportkonkurso [6]; sportaj ŝuoj [7]; sportcentro [8]; sporthalo [9]; sportaj kluboj [10]; sportaj lernejoj [11]; sportaj institucioj [12]; la arkitekto stiris sian novan sport-aŭton je 200 km/h [13].

(ntr)

[sport.0i.SPO]

Plenumi sportajn ekzercojn, partopreni en vetludoj: kompreneble, vi ne sportas, vi ne estas sportema, vi faras nenion [14]; en Jugoslavio ekzistas hungara nacia minoritato, do, hungaroj sportas ankaŭ tie [15]; sporta teamo [16]; sportemaj montbiciklistoj [17]; la registaro volas instigi civitanojn pli multe sportumi [18]; kiu sportumas, ne vivas pli longe, sed mortas pli sana [19]; oni promenas, biciklas, sportumas, ripozas [20]; kial Pamela […] ne elektis, ni diru, plaĉe frizi al si la hararon, aŭ iomete sportumi, maldikiĝi ĉe la talio, aŭ io simila [21]?

[sport.0ejo.SPO]

Loko uzata, plejofte aranĝita por sportado: proksime al la urbo estas 12 sportejoj kun plej modernaj instalaĵoj por praktikado de ĉiuj vintraj sportspecoj kaj ludoj [22]; nove konstruita glacisportejo [23]; flosanta ĉelaro, ekipita per i.a. kapelo kaj sportejo, kaj kiu „gastigos“ 500 kondamnitojn [24].

[sport.0isto.SPO]

Profesia aŭ kutima praktikanto de iu sporto: fortaj penegoj […] faras la sukcesplenan sportiston, mariston aŭ soldaton [25]. la filoj havis nudan kolon kaj skotan kostumon, ĉar ili estis sportistoj [26]; nur Aŭstrio, kies sportistoj havas multe pli da ebloj skie trejniĝi, gajnis pli da medaloj ol Kroatio [27].

[sport.vintra_0o.SPO]

Sporto ludata en glacia aŭ neĝa medio, kian oni havas en vintra sezono: la ĉi-jara vintra sezono en la turismo en Aŭstrio estas bonega: je la ĝusta tempo falis sufiĉe da neĝo kaj la temperaturoj estis sufiĉe malaltaj por ebligi vintran sporton sen grandskala uzo de neĝokanono [28]; vidinte, ke lernejanoj gaje ĝuas neĝglaciajn sportojn, Wen mem volas provi tiajn sportojn [29].