⁸ski/o ^PVEF

[ski.0o.SPO]

Longa, plata tabulo kun supren kurbita ekstremo, sur kiu oni fiksas ŝuon kaj glitas sur neĝo: [li] komencis rigardi iliajn skiojn kaj piedligilojn, dume babilante pri skiaj aferoj [1]; sen bona instruado oni ja ne povus ekuzi modernajn skiojn sur la skiejoj [2]; „preparu la skiojn somere“ – diras la rusa proverbo [3]; sub la skioj estas ŝmiraĵo, per kiu oni „gluiĝas“ al la neĝo en la suprendeklivoj, kaj alia ŝmiraĵo por rapide gliti suben [4]; la finnaj defendantoj […] bone konis la terenon kaj facile moviĝis per skioj [5].

[ski.0i.SPO]

Iri per skioj: la vintroj estis malvarmaj kun multa neĝo, pri kiu ni tre ĝojis, ĉar ni povis multe sledi, skii kaj sketi [6]; ili en prujnaj arbaroj skiis sur altaĵoj supren kaj malsupren [7]; mi skias, kaj mi tiel vigle puŝadis miajn skibastonojn, ke mi gajnis ĉiujn kurkonkursojn [8].

[ski.kur0o.SPO]

Longa mallarĝa skio kun ŝupinta fiksilo, taŭga por skikurado: ili kunprenis min ĉien – sur sledo, sur kurskioj [9]; ni ĉiuj kunprenas kurskioj[n], nia sopiro estas skikuri tra vintra naturo [10].

[ski.0isto.SPO]

Tiu, kiu sportas sur skioj. la ritmo ĉe bastonmarŝado estas la natura movo de […] skiistoj [11]; slovena skiistino gajnis pli da poentoj dum la unua parto de la ski-sezono ol iu ajn skiisto ĝis nun [12].