¹parlament/o ^JED

1.

[parlam.0o.sxtata]

Reprezentantaro de la civitanoj, kiu, en konstituciaj landoj, faras leĝojn, voĉdonas buĝeton, kontrolas la ekzekutivon: interkonsiliĝoj, farataj ne en orda parlamenta maniero [1]; oratoro, parolanta en parlamento, evoluigas siajn pensojn antaŭ publiko, kiu estas sufiĉe homogena el retorika vidpunkto, kvankam la deputitoj apartenas al diversaj partioj [2]; frakcio³

2.

[parlam.0o.nesxtata]

(evitinde) Deputitaro de neŝtata (urba, distrikta) publika instanco, ofte neleĝdona sed plenuma: la Pirato-Partio ricevis 2,7 % de la voĉoj kaj akiris tiel unu reprezentanton en la urba parlamento [3]; European Youth Event […] estas organizata kun la helpo de la Eŭropa parlamento [4]; prezidanto de la parlamento en la Provenco [5]; [ano] de l’ parlamento por la elekta distrikto de Romfordo [6]; Belgio estas stranga malgranda ŝtato kun ses parlamentoj: federacia (kun du ĉambroj: ĉambro de deputitoj kaj senato), flandra regiono, valona regiono, ĉefurba regiono, franclingva komunumo kaj germanlingva komunumo [7].

[parlam.0ano.POL]

Ano de parlamento: Marco Cappato estas la unua parlamentano […] kiu sukcesis devigi la EU-parlamenton esprimi sin pri esperanto [8]; estas mirinde kiamaniere la parlamentanoj kaj la ĵurnalistoj subtenas unu la aliajn kaj kuniĝas por trompi la publikon [9]; la norvega parlamentano Carl Henry proponis al la Nobel-Komitato de la Norvega Parlamento, ke UEA ricevu la Nobel-Premion por la Paco [10]. deputito

[parlam.0ejo.POL]

Kunsidejo de parlamento: gravaj kaj signifohavaj aranĝoj okazis en la kunsidĉambro de la parlamentejo [11]; en la parlamentejo funkcias ankaŭ publika biblioteko [12]; ŝtonaj leonoj gardas la Parlamentejon [13]; la orita novgotika brita parlamentejo taŭgas al la mistiko de monarkio, kun sia bizare nomata funkciulo „Nigra Bastono“ [14].

[parlam.0ismo.POL]

Reĝimo de ŝtato, kie registaron kontrolas parlamento: kun la evoluo de la brita parlamentismo, ekfloris ankaŭ la politika elokventeco [15]; ni nin okupas per sensencaĵoj, diskutas pri ia arto, […] parlamentismo, neceso havi advokatojn kaj la diablo scias pri kio [16]; mi devis antaŭe rakonti al li, kio estas ĉe ni la ŝtatorganizo, kio la demokratio, kion signifas la diktaturo, parlamentismo, la elektado [17]; la jaroj 1921-1924 alportis periodon de parlamentismo, antaŭe nekonata ĉe albanoj [18].