^*paĝ/o ^PV

1.

[pagx.0o.TIP]

Iu el la du flankoj de paperfolio, sur kiu oni skribas aŭ presas: tiu ĉi libro havas sesdek paĝojn [1]; la malnova abocolibro kuŝis kun la unua paĝo supre kaj ĉi tiu paĝo estas en ĝi la plej grava, sur ĝi staras ĉiuj literoj [2]; la titola paĝo [3]; kovrilpaĝo [4].

2.

[pagx.0o.teksto]

(figure) Skribaĵo aperanta sur iu el la flankoj de paperfolio: tuj de la unua paĝo ili divenas, ke sur la lasta ili trovos venkon ^Marta ; ŝi […] komencis avide legi paĝon post paĝo ^FK ; li […] trakuris per la okuloj la unuan paĝon [5]; tri linioj [da APL] sufiĉis por skribi programon, kiu faras la samon kiel tuta paĝo da C aŭ Basic [6]; doni tre mallongajn klarigojn malsupre de la paĝo pri nocioj [7].

3.

[pagx.0o.verkero]

(figure) Parto de verko aŭ okazaĵaro: oni trovas admirindajn paĝojn en tiu libro; tiu kongreso enskribis tre gravan paĝon en la historion de nia afero [8]; la sveda periodo estas la plej hela paĝo de la historio de Latvolando.

4.

[pagx.0o.memoro]

^KompLeks Fizika rikordo, aro da la memorĉeloj havantaj identajn komencajn bitojn de la adreso, traktebla kiel unu tuto en iuj operacioj.

5.

[pagx.0o.retpagxo]

^KompLeks Retpaĝo: la pentraĵo aperis somere 2001 en la inter artistoj populara interreta paĝo art.scene.lt [9].

[pagx.0aro.RET]

Retpaĝaro: la Interretaj paĝaroj pri Ido asertas, ke idistojn oni nombras inter 2000 kaj 5000 [10]; Flickr provis fliki sian paĝaron laŭ malbone pripensita maniero [11].

[pagx.en0igi.TIP]

Preparante eldonadon, aranĝi tekstojn kaj bildojn sur paĝoj: komposti: ni nun aplikas plej novan teknikon por enpaĝigi kaj prespretigi la revuon [12]; iom post iom estis tro streĉe enpaĝigi, eldoni, presi kaj administri, sed helpantojn li ne povis dungi pro financaj kialoj [13]; enpaĝigistoj sidas antaŭ longa vico da tekstoj [14].

Grafika aranĝo de tekstoj, bildoj en paĝoj de dokumento: mi […] zorgas pri la finpretigo de la presaĵoj, enpaĝigo kaj pri diversaj teknikaĵoj [15]; eldono bela kiel kutime, misenpaĝigo de p. 267-269, sed facile ĝustigebla sen troa ĝeno ĉe legado [16].

[pagx.flavaj0oj.FIG]

(frazaĵo) Adresaro aŭ simila listo de lokoj, informejoj...: „La Flavaj Paĝoj“, Esperanto en la Reto ‐ kelkaj rapidaj referencoj [17].

Rim.: En multaj landoj oni presas telefonlibrojn sur flava papero. La kromnomon „flavaj paĝoj“ oni uzas do ankaŭ pri alispecaj adresaroj.

[pagx.hejm0o.KOMP]

Ĉefpaĝo de retejo, precipe de malgranda persona retejo: hejmpaĝo de trilofajfila produktejo en Germanujo [18]; 1512 adresoj de 1132 personoj el 63 landoj kun […] 256 hejmpaĝoj [19]; la nombro da Esperantaj hejmpaĝoj saltis de 330 en 1998 al 788 en 2003 [20].

[pagx.ret0o.RET]

Peco de hiperteksto trovebla en TTT per retadreso (URL): eta bildo troviĝas fine de la retpaĝo [21]; se oni kredas la retpaĝojn, lastatempe la ĉefa okupo de Seborgo devas esti la 100 mil turistoj, kiuj jare vizitas la aspirantan mikroŝtaton [22]; simple mankas la rimedoj por traduki ĉiujn retpaĝojn en ĉiujn lingvojn [23]; la retpaĝoj de la internacia asocio de konferencinterpretistoj [24].

[pagx.ret0aro.RET]

Kolekto da retpaĝoj, precipe se ili havas komunan temaron aŭ aŭtoron: la retpaĝaro de la Nord-Irlanda Instituto pri Regado, Publika Politiko kaj Socia Esplorado [25]; kompletan superrigardon de la rezultoj liveras la retpaĝaro pri EU-balotoj [26]; kiuj finlegis la libron, certe povas postĝui ĝin, vizitante la retpaĝaron de la aŭtoro [27]; por la muzeo oni instalis retpaĝaron [28]; vikipedio-stila retpaĝaro [29].

[pagx.titol0o.TIP]

Iu el la unuaj paĝoj de libro prezentanta la titolon de la verko, la aŭtornomon kaj aliajn eldoninformojn: mi […] komencas rigardi la titolpaĝojn de la libroj […] kuŝantaj tie [30]; temas pri la titolpaĝo de ege rara kaj antikva biblio en la gaela lingvo, tradukita el la hebrea [31]; kvankam li post la infanaj jaroj ne plu loĝis en sia naskiĝurbo, li ĉiam menciis sian devenon en la titolpaĝoj de siaj traktaĵoj [32].