²mozaik/o

mozaiko

serĉi 'mozaiko'

[mozaik.0o]

: Bildo el koloraj ŝtonaj aŭ vitraj kubetoj kuncementitaj, uzata por ornami grundon aŭ muron: sur la mozaika planko staris silente, en blankaj vestoj kaj nudpiede, la pastroj [1]; la juna viro […] komencis subakviĝadi en la banujo, elplaŭdante abunde ĉe tio la varmetan akvon sur la mozaikon, prezentantan Heron en la momento, kiam ŝi petas Dormon pri endormiĝo de Zeŭso [2]; (figure) mi travivis ravajn epizodojn, […] el tiuj mozaikeroj jam elformiĝas tute klara konvinkiĝo [3]. (figure) li estas poeto de momentaj natureventoj, de subitaj, intuiciaj perceptoj […], kie ĉiu vorto estas nemalhavebla ero de la mozaika tuto [4]; (figure) Svislando estas mozaiko de kulturoj [5]; (figure) mozaiko de urboj kaj vilaĝoj [6]. kahelo, pavimokalejdoskopo, puzlo

1. B. Prus, trad. Kazimierz Bein: La Faraono, vol. 1, Ĉapitro VI
2. Henryk Sienkiewicz, trad. Lidia Zamenhof: Quo Vadis, Ĉapitro I
3. Ferenc Szilágyi: Koko Krias Jam!, I
4. Ivo Lapenna, Tazio Carlevaro kaj Ulrich Lins: Esperanto en Perspektivo, Dua Parto
5. Monato, Mireille Grosjean: Svislando: la arto interkompreniĝi, 2011
6. Monato, Marc Gassion: Aude, 2003