^*lepr/o ^UV

Infekta haŭta malsano, karakterizata per ulceroj kaj gangrenoj, kiuj iom post iom difektas kaj forkonsumas la haŭton kaj karnon: jen lia mano estis leprokovrita kvazaŭ neĝo [1]; se li vidos, ke la haroj sur la infektaĵo fariĝis blankaj kaj la infektaĵo aspektas pli profunda ol la haŭto de lia korpo, tiam ĝi estas infektaĵo de lepro [2]; favaj hundoj, la lepro vin manĝu! [3]; tiutempe oni sciis, ke lepron kaŭzas la bacilo Mycobacterium leprae, sed ĝis tiam neniu sukcesis kultivi tiun bacilon en laboratorio, por ebligi detalajn studojn [4].

Malsaniĝinto je lepro: elsendu el la tendaro ĉiujn leprulojn [5]; en la orienta dezerto […] apartigita de homoj, ekzistis kolonio de lepruloj [6]; vi skuiĝis kaj naŭze retiris vin, kvazaŭ mi estus abomeninda leprulino [7]; la socio ĉiam agis kun mi same kiel kun leprulo [8].

Izolejo por lepruloj: kiam ni vidis la forlasitan leprulejon […], ni ne povis kredi ke ĝi restis malplena kaj neuzata dum duonjarcento [9]; la kristana eklezio fondis azilojn, rifuĝejojn, malsanulejojn, leprulejojn [10].