karaoke/o,

karaokeo, karaoko

serĉi 'karaokeo'

serĉi 'o'

[karaoke.0o]

: [karaoke.0o.MUZ]; Kantado de kantoj laŭ registrita fonmuziko kun kantotekstoj videblaj sur ekrano, kutime farata kiel grupa aktivaĵo; populara amuzaĵo, kiu ekestis en Japanujo en la 1970aj jaroj: vivan karaokeon organizis dĵ Kunar kun akompano de la ĉeestantaj bandoj kaj kant(aĉ)ado de kelkaj kuraĝaj festivalanoj [1]; tre agrabla parto de nia tokiumado konsistis en vespermanĝo kaj posta karaoko kun tokiaj esperantuloj [2]; muziko en Esperanto estas trovebla en TTT, inkluzive de kelkaj retejoj dediĉitaj al Esperanta karaokeo [3].

Rim.: La formo karaokeo estas multe pli ofte uzata ol karaoko. Tamen, la formo karaokejo estas pli ofte uzata ol karaokeejo

1. Sten Johansson: Kulturo ne logis esperantistojn, Libera Folio, 2005-07-27
2. Jorge Camacho: Japanujo kaj mi, Beletra Almanako 25
3. D. ap Fergus, UEA: Ĝisdate pri Esperanto 2002-02-25, soc.culture.esperanto, 2002-12-12

serĉi 'karaokei'

serĉi 'karaoki'

[karaoke.0i]

: [karaoke.0i.MUZ]; Fari karaokeon: dum ses tagoj, inter la 2a kaj 8a de aŭgusto, ni muzikumis, ekskursis, [...] dancegis kaj karaokeis [4]; tre saĝa decido de Vinilkosmo estis aldoni senvoĉajn sondosierojn, tiel ke eblas karaokei la tutan albumon kun geamikoj aŭ dum Esperanto-kunvenoj [5]; post abundega kampara vespermanĝo, oni babilis kaj karaokis esperante [6].

4. Tina Tišljar: MIRO 2009 (Čakovec)
5. Siru Laine: recenze: Eterne Rima, TEJO Tutmonde, numero 140 (2010:2), paĝo 15
6. Nia agado, Kataluna Esperantisto, numero 328, paĝo 3

serĉi 'karaokeejo'

serĉi 'ejo'

[karaoke.0ejo]

: [karaoke.0ejo.MUZ]; Loko kiu havas ekipaĵon por fari karaokeon: nia instruistino faris la elekton, kaj klopodis igi nin parkerigi la tekston kaj iom provkanti en karaokeejo [7]; dum multaj jaroj kantado en karaokeejo estis por mi la sola muzika aktivaĵo [8]; dum varmaj semajnfinaj tagoj tamen ĝi fariĝas popol-festo kun la plej granda subĉiela karaokejo de Germanio [9]; homoj, kiuj estis ĉe la karaokejo dum la lasta JES, eble memoras lin kiel la plej bonan kantiston de la vespero [10].

7. Bertilo Wennergren: Kantokonkurso, BBBlogo, 2005-01-12
8. Usui Hiroyuki: Havaja somero en pekina vintro: mi eklernis ukulelon!, El Popola Ĉinio, 2016-04-05
9. Bernardo: Somere survoje en fola urbo, 2010-06-23
10. Manuel: Raporto pri la Evangelia Eklezia Foiro en Hamburgo, Esperanto aktuel 2013/3

angle:: karaoke bar, karaoke room, karaoke lounge, karaoke venue, karaoke establishment
beloruse:: караоке (бар, рэстаран і да г. п.)
ĉine:: 歌厅 [gētīng]
japane:: カラオケボックス [からおけぼっくす], カラオケ屋 [からおけや], カラオケ店 [からおけみせ], カラオケルーム [からおけるーむ]
koree:: 노래방
nederlande:: karaokebar, karaokekamer

serĉi 'karaokeilo'

serĉi 'ilo'

[karaoke.0ilo]

: [karaoke.0ilo.MUZ]; Maŝino per kiu oni povas fari karaokeon, kiu enhavas aŭ povas konektiĝi al laŭtparolilo, mikrofono, ekrano kaj kantoelektilo: en 2008 per kelkaj karaokeiloj jam eblis uzi kiel bazojn dosierojn en Ogg/Vorbis, FLAC kaj multaj aliaj aranĝoj [11]; tre bonkonata firmao SunflyKaraoke montras firmaojn de karaokeiloj PowerKaraokePro kaj KaraokeBuilderStudio [12]; Joe Hatch [...] posedas biciklon, per kiu li transportas laŭtparolilojn, mikrofonon kaj karaokilon [13].

11. Tina Tišljar: MIRO 2009 (Čakovec)
12. listo de esperantlingvaj karaokekantoj, Kantarviki
13. Bernardo: Karaoko alfreska, 2010-09-12