trol/o ^SPV

1.

Feo el nordeŭropaj fabeloj, tre granda aŭ tre malgranda, kun magiaj povoj, plejofte malica: la aliaj troloj devis do veni kaj lavi, sed ju pli ili faris tion, des pli la ĉemizo fariĝis nigra [1]; turbanornamitaj ĝinoj, malgrandegaj koboldoj, trikapaj troloj, barbaj nanoj, lumineskantaj feoj, kaprokruraj faŭnoj […] movis sin laŭ la strato supren [2]; la trolo stariĝis kiel eble plej silente [3].

2.

Provokanto, kiu en interreto – anonime aŭ malkaŝe – instigas al kvereloj, al akraj disputoj: ne nutru la trolon! (ne respondu al provokanto) ne ĉiam klaras, kiu estas trolo kaj kiu ne, ĉar temas pri subjektiva rigardado depende de la mesaĝo, la temo kaj la propra vidpunkto ene de ĝi [4].

(x)

Roli kiel trolo, provoki, vorte ataki, akuzi, malĝentili, kaŭzi ofendojn kaj kverelojn: ni devas krei vere seriozan grupon de tute konataj homoj por vere interŝanĝi ideojn ne troli [5].